گوگل نیوز پر ہمیں فالو کریںسوئی سدرن گیس کمپنی نے عید الاضحیٰ کے موقع پر کراچی میں گیس کی لوڈشیڈنگ سے متعلق خصوصی شیڈول جاری کر دیا ہے، جس کے مطابق عوام کو عید کے دنوں میں معمول سے بہتر گیس کی فراہمی میسر رہے گی۔
ترجمان سوئی سدرن کے مطابق جمعہ 6 جون (عید کی رات) کو گیس کی بندش معمول کے وقت رات 9:30 بجے کے بجائے رات 12:00 بجے کی جائے گی۔
ہفتہ 7 جون (عید کے پہلے دن) صبح 5:00 بجے گیس کی فراہمی بحال کر دی جائے گی اور اس کے بعد پورے دن گیس کی بندش نہیں ہوگی۔
اتوار 8 جون (عید کے دوسرے دن) اور پیر 9 جون کو (عید کے تیسرے دن) بھی پورے دن گیس کی فراہمی جاری رہے گی، پیر کو رات 12 بجے تک گیس دستیاب ہوگی۔
منگل 10 جون سے گیس کی فراہمی پرانے شیڈول کے مطابق جاری رہے گی۔
