گوگل نیوز پر ہمیں فالو کریںوفاقی دارالحکومت اسلام آباد میں 17 سالہ طالبہ سے گن پوائنٹ پر اجتماعی زیادتی کا واقعہ پیش آیا ہے۔ پولیس نے واقعے کا مقدمہ درج کر لیا۔
تفصیلات کے مطابق یہ افسوسناک واقعہ اسلام آباد کے تھانہ شالیمار کی حدود میں پیش آیا۔ پولیس نے زیادتی کی دفعات کے تحت مقدمہ درج کر لیا۔ متاثرہ لڑکی کو اس کا دوست سنیاڑی گاؤں لے گیا تھا۔
غیرت کے نام پر کراچی میں خاتون کی ناک کاٹنے والا شوہر گرفتار
مقدمے کے متن میں کہا گیا ہے کہ لڑکی کے دوست آتش کے ساتھ جنید، حسن شکیل اور افاد ملک نے نازیبا حرکات اور زیادتی کے واقعے میں ایک دوسرے کا ساتھ دیا۔ متاثرہ لڑکی کا بیان بھی مقدمے میں شامل ہے۔
متاثرہ طالبہ کا کہنا ہے کہ افاد ملک نے سر پر گن رکھ کر زبردستی کی، افاد ملک نے تشدد کا نشانہ بھی بنایا جبکہ جنید نے بھی زیادتی کی۔ آنش اور حسن نے نازیبا حرکات کیں اور شور مچانے پر ملزمان فرار ہوگئے۔
بعد ازاں ڈی آئی جی آپریشنز شہزاد ندیم بخاری نے طالبہ سے زیادتی کے واقعے کا نوٹس لیتے ہوئے فوری کارروائی کا حکم دے دیا۔ ان کا کہنا ہے کہ شالیمار پولیس 3 ملزمان کو گرفتار کرچکی ہے جبکہ چوتھے کو تلاش کیا جارہا ہے۔
ڈی آئی جی آپریشنز کا کہنا ہے کہ گرفتار ملزمان آنش، جنید علی اور حسن شکیل سے تفتیش شروع کردی گئی ہے۔ ملزمان کو جلد عدالت میں پیش کرکے قرار واقعی سزا دلوائی جائے گی۔
