مسجدِ نبوی ﷺ میں 95ہزار افراد کا اجتماع، سال 2021 کی آخری نمازِ جمعہ ادا

ریاض: سال 2021 کے آخری جمعۃ المبارک کے روز مسجدِ نبوی ﷺ میں 95 ہزار سے زائد مسلمان جمع ہوئے ہیں اور قبلہ رخ ہو کر اللہ تعالیٰ کی بارگاہ میں نماز ادا کی۔

سماجی رابطے کی ویب سائٹ ٹوئٹر پر اپنے پیغام میں حرمین شریفین انتظامیہ کا کہنا ہے کہ مسجدِ نبوی ﷺ میں آج 95 ہزار 747 مسلمانوں نے عیسوی سال کی آخری نمازِ جمعہ ادا کی جس کے دوران کورونا کی روک تھام کیلئے انتظامات کیے گئے تھے۔ 

With the re-application of precautionary measures 95,747 worshipers perform Friday prayers in Masjid Al Nabawi pic.twitter.com/UtoMzIh8aH

— Inside the Haramain (@insharifain) December 31, 2021

یہ بھی پڑھیں:

روسی ویکسین لگوانے والوں کو سعودی عرب میں داخلے کی اجازت مل گئی

پاکستان سمیت 6 ممالک کو سعودی عرب کیلئے براہ راست پروازوں کی اجازت

حرمین شریفین انتظامیہ کی جاری کی گئی تصاویر میں دیکھا جاسکتا ہے کہ مسجدِ نبوی ﷺ میں نمازیوں نے ماسک پہننے کے ساتھ ساتھ سماجی فاصلے کا بھی اہتمام کیا۔ سعودی عرب سمیت دنیا بھر میں کورونا کی روک تھام کیلئے اقدامات اٹھائے جارہے ہیں۔ 

خیال رہے کہ اس سے قبل سعودی عرب کی جانب سے پاکستان سمیت 6 ممالک کو براہ راست پروازوں کی اجازت دے دی گئی، اس کے علاوہ تین ارب ڈالر پاکستان کے اکاؤنٹ میں منتقلی کے قانونی معاملات مکمل کرلئے گئے ہیں، رقم نومبر کے دوران پاکستان کو مل گئی۔ 

سعودی عرب نے گزشتہ ماہ پاکستان سے براہ راست فلائٹس شروع کرنے کا اعلان کردیا۔ وزیر اعظم عمران خان کے معاونِ خصوصی طاہر اشرفی کا کہنا تھا کہ براہِ راست پروازیں نہ ہونے کی وجہ سے لاکھوں پاکستانی سعودی عرب جانے سے قاصر تھے۔ اب آسانی پیدا ہوجائے گی۔