آسکرکابہترین اداکارہ کاایوارڈ فرانسس مکڈورمینڈ کے نام رہا

آسکرکی جانب سے فلم نومیڈ لینڈ میں شاندار اداکاری پر فرانسس مکڈورمینڈ کو بہترین اداکارہ کے ایوارڈ سے نوازا گیا۔

فرانسس مکڈورمینڈ برطانیہ کی بافٹا کی تقریب میں کامیابی حاصل کی اور فلمی ناقدین سے نومیڈ لینڈ میں اداکاری کے لئے متعدد انعامات حاصل کئے تھے۔

امریکی اداکارہ فرانسس مکڈورمینڈ نے نومیڈ لینڈ میں ایک بیوہ کا کردار اداکیا ہے جو اپنی گاڑی کو ہی گھر بنا لیتی ہے اور مختلف چھوٹی موٹی نوکریاں کرکے گزر بسر کرتی ہے۔

مزید پڑھیں:فلم جوڈس اینڈ دی بلیک مسائیا کیلئے ڈینیئل کلویا کو بہترین اداکار کا آسکر ایوارڈ مل گیا

چینی نژاد فنکارہ کلو ژاؤ نے نومیڈلینڈ میں ہدایت کاری کے فرائض سرانجام دئیے جنہیں آسکر ایوارڈ کی تقریب میں سب سے زیادہ سراہا گیا ہے۔ نومیڈ لینڈ کی کہانی 2017ء کی غیر فرضی کتاب پر مبنی ہے جسے جیسیکا بروڈر نے تحریر کیا تھا۔

بہترین فلم کے اعزاز کیلئے نامزد کی گئی دیگر فلموں میں ویتنام سے متعلق فلم ٹرائل آف شکاگو 7، 1930ء کی ڈرامہ فلم مانک، می ٹو بدلے پر مبنی کہانی پرامسنگ ینگ وومن اور مناری شامل ہیں۔