امجد صابری کومداحوں سے بچھڑے 4 سال بیت گئے، یادیں آج بھی تازہ

کراچی :مشہور قوال امجد صابری کی چوتھی برسی آج منائی جارہی ہے، قوالی کے فن میں نئی جدت لانے والے امجد صابری کو کراچی میں قتل کردیا گیا تھا۔

امجد صابری خطے میں نمایاں قوال بن کر ابھرے ، اپنے والد غلام صابری اور چچامقبول احمد صابری کے بعد انہوں نے قوالی کی میراث کو جاری رکھتے ہوئے موجودہ موسیقی کے عہد کے ساتھ جوڑ دیا اور قوالی کو برصغیر میں نئی بلندیوں پر لے گئے۔

امجد صابری کی نعت، تلاوت اور کرم مانگتا ہوں عطاء مانگتا ہوں ، دعا نے بے پناہ مقبولیت حاصل کی جبکہ ان کی کئی قوالیاں آج بھی مداحوں  کو مسحور کردیتی ہیں۔

مزید پڑھیں: ارطغرل غازی کی حلیمہ سلطان نے کشمیر جانے کا ارادہ کرلیا

22 جون 2016ء کو ایک ٹی وی شو کے بعد اپنے گھر واپس جانے والے امجد صابری کو راستے میں گولیاں   مار کر قتل کردیا گیا تھا۔لوگوں نے بڑی تعداد میں ان کے جنازے میں شرکت کی اور بہت جوش ، محبت اور پیار سے انہیں الوداع کیا تھا۔