گوگل نیوز پر ہمیں فالو کریںراولپنڈی : بھارتی فورسز کی جانب سے لائن آف کنٹرول پر بلا اشتعال فائرنگ سے 15 سالہ بچی سمیت چار افراد شدید زخمی ہوگئے۔پاک فوج نے بھارتی فورسز کو بھرپور جواب دیکر گنیں خاموش کرادیں۔
آئی ایس پی آر کے مطابق بھارتی فورسز نے ایل او سی کے ساتھ شاردا ، ڈھڈنیال اور شاہکوٹ سیکٹرز میں آرٹلری اور بھاری ہتھیاروں کا استعمال کرتے ہوئے گذشتہ 24 گھنٹوں کے دوران سیزفائر کی خلاف ورزیاں کیں۔
بھارتی فورسز کی جانب سے بلااشتعال فائرنگ کے نتیجے میں ایک 15 سالہ بچی سمیت چار بے گناہ شہری شدید زخمی ہوگئے۔
پاک فوج کے جوانوں نے موثر انداز میں جواب دیتے ہوئے بھارتی فوج کی چوکیوں کو نشانہ بنایا۔
مزید پڑھیں: سیکورٹی فورسز کاشمالی وزیرستان میں آپریشن ،7 دہشت گردہلاک ،2 جوان شہید
