نیوزی لینڈ کی سابق وزیر اعظم جیسنڈا آرڈرن نے اپنے دیرینہ ساتھی کلارک گیفورڈ سے شادی کر لی۔ تقریب میں 50 سے 75 مہمانوں کو مدعو کیا گیا تھا۔
نیوزی لینڈ کی سابق وزیر اعظم جیسنڈا آرڈرن نے ہفتے کے روز اپنے دیرینہ ساتھی کلارک گیفورڈ سے ایک نجی تقریب میں شادی کی۔
43 سالہ آرڈرن اور 47 سالہ کلارک گیفورڈ نے مئی 2019 میں منگنی کی تھی اور ان کی شادی 2022 کے اوائل میں ہونی تھی، لیکن وبائی مرض کووڈ 19 کی پابندیوں کی وجہ سے تقریب منسوخ کردی گئی تھی۔
[visual-link-preview encoded=”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″]
جیسنڈا آرڈرن کی ترجمان نے ایک ای میل میں بتایا کہ شادی نیوزی لینڈ کے شمالی جزیرے کے مشرقی ساحل پر ہاکس بے میں کریگی رینج وائنری میں ہوئی، جو دارالحکومت ویلنگٹن سے تقریبا 310 کلومیٹر (190 میل) شمال میں ہے۔
نیوز سائٹ اسٹف کی ایک رپورٹ کے مطابق یہ جوڑا تقریبا 50 سے 75 مہمانوں کے سامنے شادی کے بندھن میں بندھ گیا۔
نیوزی لینڈ ہیرالڈ کی رپورٹ کے مطابق مہمانوں میں آرڈرن کے جانشین اور موجودہ اپوزیشن لیڈر کرس ہپکنز بھی شامل تھے۔
یاد رہے کہ 2018 میں جیسنڈا آرڈرن جب وزیر اعظم تھیں تو ان کے ہاں بیٹی کی ولادت ہوئی تھی۔
جس کے بعد وہ وزارت عظمیٰ کے عہدے پر رہتے ہوئے ماں بننے والی دوسری عالمی شخصیت بن گئی تھیں، جبکہ ان سے قبل پاکستان کی پہلی خاتون وزیراعظم بے نظیر بھٹو نے 1990 میں اپنی وزارتِ عظمیٰ کے دوران بیٹی بختاور کو جنم دیا تھا۔
جیسنڈا آرڈرن جب وزیر اعظم تھیں تو انھوں نے 2018 میں اقوام متحدہ کی جنرل اسمبلی کے 73 ویں اجلاس میں شرکت کی تھی، اس موقع پر وہ اپنی بیٹی کو بھی ساتھ لے کر گئی تھیں۔
آرڈرن نے گزشتہ چھ ماہ میں ہارورڈ یونیورسٹی میں تین فیلوشپ مکمل کی ہیں۔