گوگل نیوز پر ہمیں فالو کریںاسلام آباد: دفترِ خارجہ نے کہا ہے کہ پاکستان نے کورونا وباء کے دوران بیرونِ ملک پھنسے ہوئے پاکستانی شہریوں کی وطن واپسی کیلئے ملکی تاریخ کا سب سے بڑا آپریشن کیا ہے۔
سماجی رابطے کی ویب سائٹ ٹوئٹر پر اپنے پیغام میں ترجمان دفترِخارجہ زاہد حفیظ چوہدری نے کہا کہ وزیرِ اعظم عمران خان کے ویژن کے ساتھ پاکستان کی اسمارٹ لاک ڈاؤن کی پالیسی کورونا وائرس کے خلاف کامیاب ثابت ہوئی۔
پیغام میں ترجمان دفترِ خارجہ نے کہا کہ دفترِ خارجہ نے قومی ائیر لائن (پی آئی اے) اور دیگر محکمہ جات کے ساتھ مل کر پاکستان کی تاریخ کا سب سے بڑا وطن واپسی کا آپریشن کیا۔
ترجمان دفترِ خارجہ نے تحریری پیغام کے ساتھ شیئر کیے گئے تصویری پیغام میں کہا کہ نیشنل کمانڈ اینڈ آپریشن سینٹر (این سی او سی) کے ذریعے ملک بھر میں اسمارٹ لاک ڈاؤن کی پالیسی رائج کی گئی۔
دفترِ خارجہ ترجمان زاہد حفیظ چوہدری نے کہا کہ حکومت نے زندگی اور روزگار دونوں میں توازن برقرار رکھنے کی پالیسی اپنائی۔ دنیا بھر کے 70 سے زائد ممالک میں پھنسے ہوئے پاکستانیوں کو وطن واپس لایا گیا۔
انہوں نے کہا کہ دفترِ خارجہ میں پاکستانیوں کی وطن واپسی سمیت دیگر اہم امور کیلئے کرائسس مینجمنٹ یونٹ قائم کیا گیا جبکہ کورونا ویکسین کو بر وقت حاصل کرنے کیلئے اقدامات پر توجہ مرکوز کی گئی۔
With Prime Minister @ImranKhanPTI's vision, Pakistan's smart lockdown policy was a #CovidSuccessStory. Meanwhile @ForeignOfficePk, together with @Official_PIA and other departments, undertook the largest repatriation operation in history of Pakistan#2020InReview #PakDiplomacy pic.twitter.com/2TXKaDNU16
— Ministry of Foreign Affairs – Pakistan (@ForeignOfficePk) January 2, 2021
یہ بھی پڑھیں: ابوظہبی میں پھنسے پاکستانیوں نے وطن واپسی کیلئے مدد مانگ لی
