گوگل نیوز پر ہمیں فالو کریںاسلام آباد: SEARL فارما کمپنی متحدہ عرب امارات (یو اے ای) کی مارکیٹ میں اپنی مینوفیکچرنگ سہولت کو رجسٹرڈ کرنے والی پاکستان کی پہلی دوا ساز کمپنی بن گئی ہے۔
کمپنی نے متحدہ عرب امارات کی وزارت صحت اور روک تھام سے منظوری حاصل کرلی اور متحدہ عرب امارات میں اپنی مینوفیکچرنگ سہولت کو رجسٹر کر لیا۔
اس اہم کامیابی نے SEARLکو پاکستان کی پہلی دوا ساز کمپنی کے طور پر پوزیشن دی ہے جس نے اپنی مینوفیکچرنگ سہولت متحدہ عرب امارات میں رجسٹرڈ کرائی ہے۔
ایک اور کارنامہ۔ پاکستانی فارما اب مشکل بازاروں میں شمولیت اختیار کررہا ہے، ڈرگ ریگولیٹری اتھارٹی آف پاکستان (DRAP) کے چیف ایگزیکٹو آفیسر عاصم رؤف نے ایک ٹویٹ میں کہا کہ Searleکی حالیہ سرٹیفیکیشن فارما کی برآمدات کو فروغ دینے کے ہمارے عزم کی گواہی ہے۔
”یہ ایک بہت بڑی پیش رفت ہے جو نہ صرف آمدنی اور ملازمتیں لائے گی بلکہ پاکستانی صنعت کے لیے ادویات کے کاروبار کے بین الاقوامی راستے کھولے گی۔”
قبل ازیں، UAE کی وزارت صحت اور روک تھام نے مطلع کیا کہ SEARL کی ایک مینوفیکچرنگ سائٹ 10 ستمبر 2028 تک، 1984 کے وفاقی قانون نمبر 3 کے آرٹیکل 65 کے مطابق رجسٹرڈ ہے۔
