کراچی، شیر شاہ کی کیمیکل فیکٹری میں لگی آگ پر قابو پا لیا گیا

کراچی کے علاقے شیر شاہ میں واقع کیمیکل فیکٹری میں لگی آگ پر قابو پالیا گیا ہے۔ عمارت کی بیس منٹ میں لگی ہوئی آگ نے گراؤنڈ فلور کو بھی لپیٹ میں لے لیا تھا۔

تفصیلات کے مطابق کراچی کے علاقے شیر شاہ میں کیمیکل فیکٹری میں آتشزدگی کے باعث بڑے پیمانے پر مالی نقصان ہوا۔ بیس منٹ اور گراؤنڈ فلور پر لگنے والی آگ بجھانے کے عمل میں فائر بریگیڈ کی 20 گاڑیوں نے حصہ لیا۔

یہ بھی پڑھیں: 

سائٹ ایریا، سیمنز چورنگی کے قریب فیکٹری میں آگ لگ گئی

آگ لگنے کی اطلاع ملنے پر ریسکیو اہلکار جائے وقوعہ پر پہنچ گئے۔ تاحال آگ لگنے کی وجہ معلوم نہیں ہوسکی۔ آتشزدگی کے باعث کسی جانی نقصان کی اطلاع نہیں ملی۔ حکام کا کہنا ہے کہ آگ لگنے کی وجوہات پر تحقیقات جاری ہیں۔ 

خیال رہے کہ اس سے قبل کراچی کے علاقے سائٹ ایریا میں سیمنز چورنگی کے قریب فیکٹری میں آگ لگ گئی جسے بجھانے کیلئے فائر بریگیڈ  اہلکار جائے وقوعہ پر پہنچ گئے۔آگ صبح کے وقت لگی۔ 

گزشتہ برس 28 دسمبر کو سائٹ ایریا میں سیمنز چورنگی کے قریب واقع فیکٹری میں آگ لگ گئی۔ فائر بریگیڈ کی 6 گاڑیاں آگ بجھانے میں مصروف ہوگئیں۔ واقعے کی اطلاع ملتے ہی ریسکیو اہلکار بھی جائے وقوعہ پر پہنچ گئے۔