گوگل نیوز پر ہمیں فالو کریںکراچی کے علاقے شیر شاہ میں پرانے کپڑوں کے گودام میں آگ لگ گئی جس پر آج قابو پا لیا گیا ہے۔
تفصیلات کے مطابق شہرِ قائد کے علاقے شیر شاہ میں واقع پرانے کپڑوں کے گودام میں گزشتہ شب آگ لگ گئی جس پر فائر بریگیڈ نے 6 گھنٹوں کی مسلسل جدوجہد کے بعد قابو پایا۔
فائر بریگیڈ حکام کے مطابق آگ بجھانے کے عمل میں 7 فائر ٹینڈرز نے حصہ لیا۔ حکام کا کہنا ہے کہ پانی کی کمی کے باعث آگ پر قابو پانے میں وقت لگ گیا۔ گزشتہ شب لگنے والی آگ آج صبح کے وقت بجھ گئی۔
حکام کا کہنا ہے کہ آگ لگنے کی وجوہات کا تعین نہیں کیا جاسکا۔ آتشزدگی کی تحقیقات کے بعد ہی اس حوالے سے کچھ کہا جاسکتا ہے۔
یہ بھی پڑھیں: مولانا خادم رضوی اور حکومت کا معاہدہ طے، مطالبات منظور
