گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ بھارتی آرمی چیف کے جھوٹے دعوے کا بھرکس نکل چکا ہے جبکہ نہتے شہریوں کو نشانہ بنانے والا بھارت سفاک اور بزدل ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے سوال کیا کہ بھارت کب تک غیر ملکی سفیروں اور میڈیا نمائندگان کو مقبوضہ کشمیر لے جائے گا؟
یہ بھی پڑھیں: سابق وزیر اعظم کی صاحبزادی مریم نواز کو احتساب عدالت پہنچا دیا گیا
معاونِ خصوصی اطلاعات نے کہا کہ میڈیا نمائندگان قابض افواج کے مظلوم کشمیریوں پر ظلم و بربریت اور انسانی حقوق کی پامالی کو اپنی آنکھوں سے دیکھیں اور عالمی برادری تنازعۂ کشمیر کو عوام کی امنگوں کے مطابق حل کرے۔
بھارت کب غیر ملکی سفراء اور میڈیا کو مقبوضہ کشمیر لے جائے گا ؟تاکہ وہ قابض افواج کے مظلوموں پر ظلم و بربریت اور انسانی حقوق کی پامالیوں کو آنکھوں سے دیکھ سکیں۔ عالمی برادری کو تنازعہ کشمیر کشمیریوں کی امنگوں اور اقوام متحدہ کی قراردادوں کے تحت حل کرنا ہوگا۔
— Dr. Firdous Ashiq Awan (@Dr_FirdousAwan) October 23, 2019
فردوس عاشق اعوان نے کہا کہ بھارتی آرمی چیف کے دعوے دھرے کے دھرے رہ گئے جب پاکستان کی طرف سے دعوت دی گئی، پھر بھی بھارتی کمیشن کا کوئی سفارت کار لائن آف کنٹرول کے دورے پر نہ آیا۔
انہوں نے کہا کہ کھلی دعوت کے باوجود ہائی کمیشن کے سفارت کاروں کی ایل او سی دورے میں عدم شرکت بھارتی آرمی چیف کے جھوٹ پر مہر تصدیق ہے۔ بھارت نہتے شہریوں کو نشانہ بنا رہا ہے۔
بھارتی آرمی چیف کے جھوٹے دعوی کا بھرکس نکل چکا ہے۔کھلی دعوت کے باوجود بھارتی ہائی کمیشن کے کسی سفارتکار کا دورے سے راہ فرار بھارتی جھوٹ پر مہر ہے۔شہری آبادی اور نہتے شہریوں کو نشانہ بنانے والے سفاک اور بزدل ہیں۔
— Dr. Firdous Ashiq Awan (@Dr_FirdousAwan) October 23, 2019
یاد رہے کہ اس سے قبل وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ سی پیک منصوبوں پر عمل درآمد کی کاوشیں رنگ لا رہی ہیں جبکہ پاک چین مشترکہ پاور پلانٹ کا افتتاح خوش آئند ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں معاونِ خصوصی اطلاعات فردوس عاشق اعوان نے کہا کہ سی پیک سے جڑے خوابوں کی تعبیر کا وقت آ پہنچا ہے، جبکہ پاکستان کی مخلصانہ کاوشوں سے مشترکہ پاورپلانٹ کا افتتاح ہوا۔
مزید پڑھیں: سی پیک منصوبوں پر عمل درآمد کی کاوشیں رنگ لا رہی ہیں۔فردوس عاشق اعوان
