گوگل نیوز پر ہمیں فالو کریںکراچی: ایئرفورس فالکن کمپلیکس ہاؤسنگ سوسائٹی میں پارکنگ کے تنازع پر ایک شخص نے چاقو کے وار کرکے معروف فیشن ڈیزائنر محمد معظم اور ان کے دو بیٹوں کو زخمی کردیا۔
پولیس کا کہنا ہے کہ جھگڑا اس وقت شروع ہوا جب دو نوجوانوں کے درمیان ہونے والی تلخ کلامی ہاتھاپائی پر اترآئی۔ اس دوران قریبی افراد بھی موقع پر پہنچ گئے مگر ابراہیم درانی شخص نے تیز دھار چاقو سے حملہ کردیا جس سے معظم خان اور ان کے دو بیٹے فہد اور عطا معظم زخمی ہو گئے۔ تاہم ملزم موقعے سے فرار ہونے میں کامیاب ہو گیا۔
تھانہ پولیس شاہراہ فیصل نے ملزم ابراہیم درانی کے خلاف معظم خان کی مدعیت میں دفعہ 324، 337 اور 34 ٹو ایچ کے تحت مقدمہ درج کرلیا گیا۔ پولیس کا کہنا ہے کہ ملزم ابراہیم اورخالد درانی کے خلاف تفتیش انویسٹی گیشن پولیس کے سپرد کردی تھی۔
تاہم واقعے کے دو روز گزرنے کے باوجود پولیس مذکورہ ملزمان کو گرفتار کرنے میں ابھی تک ناکام ہے۔
شاہراہ فیصل تھانے اسٹیشن انویسٹی گیشن افسراسرارآفریدی نے بتایا کہ پولیس نے ملزم ابراہیم درانی کے گھر پر چھاپہ مارا لیکن ملزم ابراہیم درانی گھر پر موجود نہ تھا۔
پولیس کا کہنا ہےکہ مقدمہ میں نامزد ملزم خالد درانی سے ملاقات ہوئی تھی تاہم وہ بہت ضعیف اور بیمار ہیں، جس کی وجہ سے انکو گرفتار نہیں کیاگیا۔
یہ بھی پڑھیں: وفاقی پولیس کی جرائم پیشہ افراد کے خلاف کارروائیاں،15ملزمان گرفتار
