ایف آئی اے اور کمرشل بینک سرکل کی کارروائی، حوالہ ہندی میں ملوث 9 ملزمان گرفتار

وفاقی تحقیقاتی ادارے (ایف آئی اے) اور کمرشل بینک سرکل نے کراچی کے علاقے گلشن اقبال اور صدر میں چھاپہ مار کارروائی کرتے ہوئے حوالہ ہنڈی میں ملوث 9 ملزمان کو گرفتار کرلیا ہے۔

تفصیلات کے مطابق ایف آئی اے اور کمرشل بینک سرکل نے حوالہ اور ہنڈی کے غیرقانونی کاروبار اور سرگرمیوں میں ملوث “بیسٹ وے منی ایکسچینج کمپنی” پر چھاپہ مار کر 9 ملزمان کو گرفتار کرلیا۔

یہ بھی پڑھیں 

گرفتاری کا ریکارڈ نہ چالان،پولیس محمودآباد سے کارڈیلر کو اغواء کرکے لے گئی

چائے پتی کمپنی کے مالک کو ایک کروڑ روپے بھتے کی پرچی موصول، پولیس نے تفتیش شروع کردی

ایف آئی اے حکام کے مطابق گرفتار ملزمان میں

(1) محمد یاسین, ڈائریکٹر

 (2) محمد عدنان، مینجر

(3)  محمد معراج (کاؤنٹر اسٹاف)

(4) اسامہ، کاؤنٹر ٹیلر،

(5)  فہد لمادا، جونئیر آفیسر

(6) محمد اطہر محبوب،

(7) سیف الدین، کیش کیرئیر،

(8) ثناءاللہ، کیش کیرئیر

ایف آئی اے کے مطابق گرفتار ملزمان لائسنس کی آڑ میں حوالہ ھنڈی کے غیر قانونی کاروبار اور سرگرمیوں میں ملوث  تھے۔

ایف آئی اے، کمرشل بینک سرکل سرکل، کراچی کے افسران انسپکٹر ارشان الکریم اور سب انسپکٹر صلاح الدین پر مشتمل چھاپہ مار ٹیمیں تشکیل دی گئی جنہوں نے  کراچی کے  علاقے  گلشن اقبال اور صدر میں واقع بیسٹ وے ایکسچینج کمپنی لمیٹڈ کے دفتر پر کارروائی کی اور ملزمان کے قبضے سے حوالہ ھنڈی میں ملوث اشیاء(موبائل فون، لیپ ٹاپ)اور دیگر دستاویزات برآمد کرکے ضبط کر لیں۔

ملزمان بلوچستان کے شہریوں کو غیر قانونی طور پر( بغیر رسید اور انٹری) امریکی ڈالر فراہم کر رھے تھے۔موقع واردات پر موجود گرفتار دو اشخاص سیف الدین اور ثناءاللہ دونوں کوئٹہ کے رھائشی ہیں اور امریکی ڈالر افغانستان پہنچایا کرتے تھے۔ملزمان سے مجموعی طور پر پاکستانی کرنسی 76 لاکھ روپے اور غیر ملکی کرنسی 30 لاکھ روپے برآمد ہوئی ہے۔

( مساوی پاکستانی روپے )اور آمریکی ڈالر 36394 برآمد کر کے قانون کے مطابق ضبط کر لیے گئے،ملزمان افغانستان کی سیاسی صورت حال کا فائدہ اٹھا کر ڈالر کی غیر قانونی منتقلی سے پاکستانی روپے کی قدر کو نقصان پہنچا رہے تھے ۔ ملزمان محمد یاسین، ڈائریکٹر، ارجمند فاروق،CEO ودیگر کے خلاف مقدمہ الزام نمبر 16/2021 اور 17/202 زیر دفعہ  4، 5،23, FER Act 1947، کے تحت   درج کر لیے گئے ہیں،مزید تفتیش جاری ہے۔