گوگل نیوز پر ہمیں فالو کریںمعروف اداکار فیروز خان نے سابق اہلیہ علیزا سلطان کے سنگین الزامات کے تناظر میں اپنے ایک مداح کی جانب سے دوسری شادی کا مشورہ مسترد کردیا ہے۔
تفصیلات کے مطابق اداکار فیروز خان نے 2018ء میں علیزا سلطان سے شادی کی، دونوں کے ہاں پہلا بچہ اگلے ہی سال جبکہ ایک بیٹی 2022ء میں پیدا ہوئی تاہم اسی سال دونوں میاں بیوی کے مابین علیحدگی ہوگئی۔
یہ بھی پڑھیں: فیروز خان کی تصویر پر سوشل میڈیا صارفین کی کڑی تنقید
سابقہ بیوی علیزا سلطان نے اداکار فیروز خان پر گھریلو تشدد کے سنگین الزامات عائد کیے۔ دونوں میاں بیوی نے ایک دوسرے پر کیسز فائل کردئیے جن کی سماعت تاحال ختم نہیں ہوئی، نہ ہی مقدمات کا کوئی فیصلہ سامنے آسکا ہے۔
سماجی رابطے کی ویب سائٹ پر اپنے پیغام میں ایک مداح نے فیروز خان کو مخاطب کرتے ہوئے کہا کہ کیا آپ اپنے بچوں سے محبت کرتے ہیں؟ کسی اور خاتون سے شادی کر لیں۔ میں نے 24برس کی عمر میں 2شادیاں کیں۔
اپنے مداح کے مشورے کو مسترد کرتے ہوئے اداکار فیروز خان نے کہا کہ آپ نے وہی کیا، جو آپ کو بتایا گیا تھا۔
خیال رہے کہ اس سے قبل فیروز خان نے اپنے سوشل میڈیا اکاؤنٹ پر شرٹ کے بغیر اپنی کچھ تصاویر شیئر کیں جس پر صارفین کی جانب سے کڑی تنقید کی گئی تھی۔
