گوگل نیوز پر ہمیں فالو کریںکراچی: وفاقی وزیر برائے بحری امور علی حیدر زیدی نے پورٹ قاسم اتھارٹی کی قائم کردہ پناہ گاہ کا دورہ کیا جسے عوام کو کھانا اور عارضی چھت مہیا کرنے کے لیے قائم کیا گیا ہے۔
سماجی رابطے کی ویب سائٹ ٹوئٹر پر جاری کردہ پیغام کے مطابق وزیر بحری امور علی زیدی نے کراچی میں پڑنے والی ریکارڈ توڑ سردی کے دوران عوام کو محفوظ ٹھکانہ فراہم کرنے کے لیے قائم پناہ گاہ کا گزشتہ شب دورہ کیا۔
وزیر بحری امور علی حیدر زیدی نے دورے کے دوران پناہ گاہ کے مکینوں سے ملاقات کی اور ان سے پناہ گاہ میں مہیا کی گئی سہولیات، کھانے اور طبی سہولیات کے بارے میں دریافت کیا۔
دورے کے دوران وزیر بحری امور علی زیدی نے پناہ گاہ حکام کو شیلٹر ہوم کو توسیع دے کر مستقل بنانے کے احکامات دئیے۔ انہوں نے کہا کہ سخت سردی کے دوران مزدوروں کو مہیا کی جانے والی سہولت کو مستقل کرنا ضروری ہے۔
پورٹ قاسم اتھارٹی کی قائم کردہ پناہ گاہ کے قیام سے قبل ٹرکوں پر آنے والوں اور مزدوروں کو درختوں کے نیچے اور ٹرک پر ہی رہائش کا انتظام کرنا پڑتا تھا۔ وزیر بحری امور نے پناہ گاہ میں بہتر سہولیات مہیا کرنے کی ہدایت بھی کی۔
Fed Min for Maritime Affairs @AliHZaidiPTI visited Panahgah set up by Port Qasim Authority to provide shelter and food during record breaking cold weather. He directed to expand it & make it a permanent facility.Before this truckers & laborers slept under trees & trucks. pic.twitter.com/Rc5hsNCiEI
— Ministry of Maritime Affairs, Govt of Pakistan (@MaritimeGovPK) January 5, 2020
یاد رہے کہ اس سے قبل وفاقی وزیر برائے بحری امور علی حیدر زیدی نے کہا کہ نریندر مودی حکومت بھارت میں مسلمانوں کا قتلِ عام کرنا چاہتی ہے جبکہ کشمیر میں لاکھوں مسلمان بد ترین کرفیو کاسامنا کر رہے ہیں۔
ٹوئٹر پر 27 دسمبر کو اپنے پیغام میں وزیر بحری امور علی زیدی نے کہا کہ کشمیر میں گزشتہ 4 ماہ سے زائد عرصے سے مظلوم عوام پر کرفیو نافذ ہے، جبکہ ظاہری طور پر یہ ابتدا دکھائی دیتی ہے۔
مزید پڑھیں: 4 ماہ سے زائد عرصے سے جاری کرفیو صرف ابتدا ہے۔علی زیدی
