گوگل نیوز پر ہمیں فالو کریںکراچی: وفاقی وزیر برائے انفارمیشن ٹیکنالوجی امین الحق نے کہا ہے کہ وقت آگیا ہے کہ ہم ڈیجیٹل پاکستان کی طرف چلنا شروع کردیں۔
تفصیلات کے مطابق کراچی کے علاقے اورنگی ٹاؤن میں نوجوانوں کو کیرئیر گائیڈنس دینے کے حوالے سے تقریب منعقد ہوئی جس سے خطاب کرتے ہوئے وفاقی وزیر امین الحق نے کہا کہ ڈیجیٹل پاکستان کی طرف چلنے کا وقت آگیا ہے، ہمیں فرسودہ ٹیکنالوجی کے باعث آج تک گاڑیاں برآمد کرنی پڑتی ہیں۔
خطاب کے دوران وفاقی وزیرِ انفارمیشن ٹیکنالوجی امین الحق نے کہا کہ موبائل فون مارکیٹ کو دیکھتے ہوئے ہم نے ہم نے موبائل فونز پاکستان میں بنانے کا منصوبہ بنایا۔ وفاقی حکومت کی طرف سے منظوری کے بعد اب اسمارٹ فونز پاکستان میں بننا شروع ہوجائیں گے۔
وفاقی وزیر امین الحق نے کہا کہ ہم نے کورونا کی وباء کو موقع سمجھتے ہوئے آئی ٹی ایکسپورٹ کے شعبے میں کام کیا، آج ہم کہہ سکتے ہیں کہ آئی ٹی ایکسپورٹ میں رواں مالی سال کی پہلی سہہ ماہی کے دوران 44 فیصد اضافہ ہوا۔
یہ بھی پڑھیں: مسلم سائنسدان نے کورونا ویکسین بناکرمسلمانوں کا سرفخرسے بلند کردیا
