گوگل نیوز پر ہمیں فالو کریںایرانی افواج نے خلیج فارس میں برطانوی بحریہ کے ایک جنگی جہاز کو داخلے سے روک دیا ہے۔
ایرانی ذرائع ابلاغ کے مطابق، ایرانی بحریہ کے ڈرونز نے برطانوی جہاز کے قریب پروازیں جاری رکھی ہیں اور اس کو وارننگ دی گئی ہے کہ وہ ایرانی سمندری حدود میں داخل نہ ہو۔
ایرانی فوج کا کہنا ہے کہ وہ برطانوی جنگی بحری جہاز کو بحر ہند میں داخلے کے وقت سے ہی مانیٹر کر رہی تھی۔
ایرانی حکام کے مطابق برطانیہ اسرائیلی میزائلوں کی رہنمائی کے لیے اپنا جنگی بحری جہاز خلیج فارس لانا چاہتا ہے جو ایران کے لیے قابل قبول نہیں ہے۔
یہ واقعہ ایران اور اسرائیل کے درمیان جاری کشیدگی کے دوران پیش آیا ہے، جس میں مغربی ممالک بشمول برطانوی بحریہ کی جانب سے ایران پر حملے کا خدشہ ظاہر کیا جا رہا ہے۔
ایران نے اس صورتحال میں اپنی سمندری حدود کی حفاظت کے لیے مزید اقدامات اٹھانے کا اعلان کیا ہے۔
