گوگل نیوز پر ہمیں فالو کریںواشنگٹن:امریکی فیڈرل بیورو آف انویسٹی گیشن (ایف بی آئی) کی جانب سے خبردار کیا گیا ہے کہ نو منتخب جوبائیڈن کی تقریب حلف برداری کے دوران واشنگٹن سمیت امریکا کی تمام 50 ریاستوں میں مسلح احتجاج کا خطرہ ہے۔
واشنگٹن میں سکیورٹی خدشات اور ٹرمپ کے حامیوں کی مسلسل دھمکیوں کے بعد ’یادگار واشنگٹن‘ کو بھی 24 جنوری تک بند کر دیا گیا ہے اور سیکورٹی کو بڑھا دیا گیا ہے۔
جوبائیڈن کی تقریب حلف برداری میں خطرے کے پیش نظر فیصلہ کیا گیا ہے کہ 20 جنوری کو دارالحکومت میں امن وامان برقرار رکھنے کے لیے نیشنل گارڈز کی تعداد میں اضافے کیا جائے۔تاکہ شرپسندوں سے ممکنہ حملوں سے بچا جاسکے۔
پینٹاگون کا اس حوالے سے کہنا ہے کہ تقریب حلف برداری کے دن 15 ہزار گارڈز مقامی پولیس کی مدد کے لیے موجود ہوں گے۔کشیدہ صورتحال کے باوجود جوبائیڈن کا کہنا ہے کہ وہ کھُلے مقام پرحلف برداری سے خوفزدہ نہیں ہیں۔
