مولانا عادل کی دینی خدمات کو ہمیشہ یاد رکھا جائے ،فضل الرحمٰن

کراچی :جمعیت علمائے اسلام کے امیراور پی ڈی ایم کے سربراہ مولانا فضل الرحمٰن نے کہا ہے کہ مولانا ڈاکٹر عادل خان کی شہادت بہت بڑا سانحہ ہے، ان کی دینی خدمات کو ہمیشہ یاد رکھا جائے ۔

میرے لئے سب سے زیادہ تکلیف دہ بات یہ ہے کہ شہادت سے ہفتہ دس دن قبل ان مسلسل ملاقاتیں ہوتی رہیں، اتنے قیمتی علما شہید ہوئے کہ آج تک کسی کے خلا کو کرنہیں کیا جا سکا۔ ان خیالات کا اظہا ر انہوں نے جامعہ فاروقیہ فیز ٹو میں شہید مولانا ڈاکٹر عادل خان کے اہل خانہ سے تعزیت اور طلبا ء سے خطاب کرتے ہوئے کیا ۔

اس موقع پر ان کے ہمراہ جے یوآئی پنجاب کے امیر ڈاکٹر عتیق الرحمن ، صوبائی جنرل سیکریٹری مولانا راشد محمود سومرو ، قاری محمد عثمان، سمیع الحق سواتی و دیگر بھی موجود تھے ۔

انہوں نے کہا کہ ڈاکٹر عادل خان صاحب شہید کے سانحے پر کون سا دل ہوگا جو غمزدہ نہ ہو گا، کون سی آنکھ ہوگی جو اشک بار نہ ہوگی ۔

، مولانا عادل خان کی شہادت کا سانحہ صرف ان کے خاندان ، جامعہ اور متعلقین کا غم نہیں پورے ایک جہاں اور ہم سب کا مشترکہ صدمہ ہے۔

کوئی قوم قبیلہ معاشرہ شخصیات کی اہمیت کا انکار نہیں کرتا لیکن کی امت کی بقا کی دار و مدار عقائد پر ہوتا ہے۔

مزید پڑھیں: ہم امپائر کی انگلی نہیں عوام کی حمایت سے اقتدار لیں گے، بلاول بھٹو

ایسے واقعات میں ہماری توجہ اس بات پر ہونی چاہئے کہ جو شخص جام شہادت نوش کرکے چلاگیا اس کی زندگی کا مقصد اور نصب العین کیا تھا ، ہمیں ان اداروں ، عمارتوں اور جامعات کے مستقبل کا بھی سوچنا ہوگا ۔