گوگل نیوز پر ہمیں فالو کریںکراچی : امیر جمعیت علماء اسلام مولانافضل الرحمٰن نے کہا ہے کہ ہم روز بروز ابتری کی طرف جارہے ہیں،ملک اس وقت اس حال میں ہے کہ کوئی بھی سیاسی رہنماء اقتدار سنبھالنے کے لئے تیار نہیں ہے ۔
کراچی میں جمعیت علماء اسلام کے زیر اہتمام منعقدہ آل پارٹیز کانفرنس سے خطاب کرتے امیر جے یوآئی ف مولانا فضل الرحمٰن نے کہا کہ ملک کو تباہی کی طرف لے جایا جا رہا ہے ،این ایف سی کے ایوارڈ کے ذریعے آمدن کو صوبوں میں تقسیم کیا گیا جن کا 57اعشاریہ 5 فیصد حصہ ہے ۔
مولانافضل الرحمٰن نے کہا کہ اب شکایت کی جارہی ہے کہ وفاق کی ساری آمدنی صوبے لے جاتے ہیں لیکن یہ شکایت آصف زرداری کو کیوں نہیں تھی، نوازشریف کو کیوں نہیں تھی؟ ۔
مولانافضل الرحمٰن نے اپنے خطاب میں کہا کہ 18ویں ترمیم کے ذریعے 15 محکمے صوبوں کو دیئے گئے، وفاق نے وہی محکمے اب بھی برقرار رکھے ہیں جس پر اخراجات تو آئیں گے۔
مزید پڑھیں:18ویں ترمیم پر شب خون مارکر ملک کو دوبارہ تقسیم کی طرف لیجایا جارہا ہے، شیری رحمان
