گوگل نیوز پر ہمیں فالو کریںشہر قائد میں آج شدید گرمی سے شہری بلبلا اُٹھے، کراچی میں ساحلی پٹی کے قریب علاقوں میں گرمی کی شدت 50 ڈگری سینٹی گریڈ سے بھی زائد محسوس کی گئی۔
موسمیاتی تجزیہ کار جواد میمن کا اس حوالے سے کہنا ہے کہ شہر قائد میں دوپہر2 بجے درجہ حرارت 35.5 ڈگری سینٹی گریڈ ریکارڈ کیا گیا تاہم ساحلی علاقوں میں گرمی کی شدت زائد محسوس کی گئی۔
محکمہ موسمیات نے آج شام کراچی میں گرج چمک کے ساتھ بارش کی پیشگوئی کر رکھی ہے۔
موسمیاتی تجزیہ کار کے مطابق ہوا میں نمی کا تناسب 69 فیصد ریکارڈ کیا گیا جبکہ 35.5 ڈگری سینٹی گریڈ درجہ حرارت کو محسوس کرنے کی شدت 52 ڈگری سینٹی گریڈ رہی۔
مزید پڑھیں:محکمہ موسمیات کی کراچی سمیت سندھ کے مختلف شہروں میں بارش کی پیشگوئی
موسمیاتی تجزیہ کار جواد میمن کے مطابق کراچی میں سمندری ہواؤں کے باعث جنوبی علاقوں میں نمی زائد رہی۔
