سیلاب متاثرین کے شناختی کارڈ کی ایکسپائری ڈیٹ میں 6 ماہ تک توسیع

اسلام آباد: نادرا نے سیلاب متاثرہ افراد کے شناختی کارڈز کی تاریخ تنسیخ میں توسیع کردی ہے۔

تفصیلات کے مطابق نادرا نے سیلاب متاثرین کی سہولت کے لیے ایکسپائر ہونے والے شناختی کارڈز کو آئندہ 6 ماہ کے لیے قابل استعمال قراردے دیا۔ رعایت کا اطلاق سیلاب سے متاثرہ علاقوں میں ہوگا۔

یہ بھی پڑھیں:

وزارت دفاع کا بعض سابق فوجیوں کی تنظیموں سے اظہارِ لاتعلقی کا اعلان

کوئٹہ، لسبیلہ، کوہلو سمیت بلوچستان بھر کے شہریوں کے ایکسپائر شناختی کارڈ 31 دسمبر تک قابل استعمال ہیں۔ دادو، میرپور خاص اور لاڑکانہ سمیت سکھر ریجن کے سیلاب متاثرین کو بھی یہ سہولت دی گئی ہے۔

مزید برآں نادرا نے ڈیرہ غازی خان ریجن کےلیے بھی شناختی کارڈ کی ایکسپائری ڈیٹ میں توسیع کردی ہے۔ چیئرمین نادرا کے مطابق یکم مئی سے زائدالمعیاد اور تیس نومبر تک ایکسپائر ہونے والے تمام شناختی کارڈز اکتیس دسمبر تک قابلِ استعمال رہیں گے۔