کراچی میں ہونے والی مسلسل بارش کا فائدہ اٹھاتے ہوئے گوادر پورٹ اتھارٹی کے سابق چیئرمین انور شاہ نے 5000 گیلن برساتی پانی کو ذخیرہ کر لیا ہے۔
تفصیلات کے مطابق کراچی میں رہائش پذیر سابق چیئرمین گوادر پورٹ اتھارٹی انور شاہ نے پانی کو محفوظ بنانے کیلئے پرانا طریقہ استعمال کیا جس کیلئے 10 فٹ گہرا اور 12 فٹ طویل زیرِ زمین ٹینک تعمیر کیا گیا۔
سابق چیئرمین گوادر پورٹ اتھارٹی انور شاہ نے کہا کہ چھت پر پائپس لگائے گئے جن کی مدد سے بارش سے حاصل ہونے والا پانی فائبر اور پلاسٹک کے ٹینکس میں محفوظ کیا گیا۔
گوادر پورٹ اتھارٹی کے سابق چیئرمین نے کہا کہ ہم نے جو پانی ذخیرہ کیا ہے وہ ہمارے گھریلو گارڈن میں پودوں کیلئے استعمال ہوگا۔ جو پودوں کی 3 ماہ سے زائد کی ضروریات کیلئے کافی ہوگا۔
یہ بھی پڑھیں: واسا کی نااہلی، راولپنڈی کےشہری پانی سے محروم ہو گئے