گوگل نیوز پر ہمیں فالو کریںراولپنڈی: سابق آرمی چیف جنرل (ر) قمر جاوید باجوہ نے کہا ہے کہ میں نے کسی کو کوئی انٹرویو نہیں دیا، جو انٹرویو کا دعویٰ کر رہے ہیں، ان کے خلاف کارروائی ہوگی۔
تفصیلات کے مطابق حال ہی میں معروف صحافی شاہد میتلا کی جانب سے سابق چیف آف آرمی اسٹاف جنرل (ر) قمر جاوید باجوہ کا انٹرویو کرنے کی خبر سامنے آئی تاہم جنرل (ر) باجوہ نے انٹرویو کے دعوے کو جھوٹا قرار دے دیا۔
الیکشن کرائیں، صدرِ مملکت کا وزیر اعظم کو خط
سماجی رابطے کی ویب سائٹ ٹوئٹر پر سینئر صحافی و نجی ٹی وی میزبان کامران شاہد نے کہا کہ میں اپنی بات کی سچائی کی تصدیق کیلئے معروف صحافی شاہد میتلا کا ورژن بھی شیئر کردیتا ہوں، جس کی جنرل باجوہ نے تردید کی۔
For the matter of fairness also sharing mr @ShahidMaitla ‘s version https://t.co/2PlJmNv9LB
— Kamran Shahid (@FrontlineKamran) March 24, 2023
قبل ازیں معروف صحافی کامران شاہد نے اپنے ٹوئٹر پیغام میں کہا کہ سابق آرمی چیف جنرل قمر جاوید باجوہ نے یہ بیان دیا ہے کہ میں نے کسی کو بھی انٹرویو نہیں دیا ہے۔
Ex COAS Generel Bajwa has just shared with me the following statement “I did not give any interview to any body, I am not allowed to give any statement, comment or interview till 29 Nov 2024…”
— Kamran Shahid (@FrontlineKamran) March 24, 2023
کامران شاہد نے کہا کہ سابق آرمی چیف جنرل (ر) قمر جاوید باجوہ کا کہنا ہے کہ میں نے کسی کو اجازت نہیں دی کہ میری جانب سے بیان، تبصرہ یا انٹرویو شائع کرے جب تک کہ 29 نومبر 2024 کی تاریخ نہ آجائے۔
واضح رہے کہ آئین کے تحت سابق آرمی چیف جنرل (ر) قمر جاوید باجوہ آئین کے تحت اپنی ریٹائرمنٹ کے بعد 2 سال تک کوئی بیان یا تبصرہ نہیں کرسکتے۔
