اسلام آباد: وزیرِ اعظم کے معاونِ خصوصی برائے امورِ صحت ڈاکٹر ظفر مرزا نے کہا ہے کہ ہر شخص پر ماسک پہننے کی پابندی کورونا وائرس کے باعث لگائی گئی جبکہ عوامی مقامات پر ماسک پہننا ہر شخص کی ذمہ داری ہوگی۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی صحت ڈاکٹر ظفر مرزا نے کہا کہ عوامی مقامات پر ماسک کا استعمال ہر شخص کیلئے ضروری قرار دیا گیا ہے۔ مثال کے طور پر مساجد، بازار، شاپنگ مالز، عوامی ٹرانسپورٹ اور سڑک وغیرہ پر ماسک پہننا ضروری ہے۔
معاونِ خصوصی ڈاکٹر ظفر مرزا نے کہا کہ ہم نے کورونا وائرس پر دی گئی رہنما ہدایات پر بھی نظرِ ثانی کی ہے اور ماسک پہننے کے لیے دی گئی ہدایات میں ایک لازمی سیکشن کا اضافہ کیا ہے تاکہ عوام الناس کورونا وائرس کی روک تھام کیلئے ہدایات پر عمل پیرا ہوں۔
Face masks are now mandatory to be worn by everybody while in crowded public places, mosques, bazaars, shopping malls, public transport ie road, rail and flights. We have reviewed our guidelines for wearing masks and have added a mandatory section <311>. https://t.co/K8xnM8TcG7
— Zafar Mirza (@zfrmrza) May 31, 2020