ترک صدر  رجب طیب اردوان نے وزیراعظم پاکستان شہباز شریف کو ٹیلی فون کیا اور شدید بارشوں اور  سیلاب سے ہونے والے جانی اور  مالی نقصان پر  اظہار تعزیت کیا اور  پاکستانی عوام کی بھرپور مدد کے عزم کا اظہار کیا۔ دوسری طرف ترکیہ کا طیارہ امدادی سامان لیکر پاکستان پہنچ گیا۔

وزیراعظم نے ترک صدر کو پاکستان میں سیلاب کی تازہ ترین صورت حال اور ہنگامی بنیادوں پر امداد کی فراہمی کے لیے حکومتی کوششوں کے بارے میں آگاہ کیا۔

یہ بھی پڑھیں:

ماڈل حرا بصیر کی قومی ٹیم کی شرٹ میں شرمناک تصاویر وائرل

 وزیر اعظم نے اس بات پر روشنی ڈالی کہ پاکستان کو جون2022 کے وسط سے ریکارڈ بارشوں کے ساتھ غیر معمولی مون سون موسمی صورت حال کا سامنا ہے۔ 

رجب طیب  اردوان کا کہنا تھا کہ ان کا ملک ہمیشہ پاکستان کی مدد کرے گا، ہم ہمیشہ  کی طرح مشکل وقت میں پاکستانی عوام کی ہرقسم کی مدد کے لیے تیار ہیں۔

وزیراعظم نے انسانی بنیادوں پر امداد پر ترک صدر کا شکریہ ادا کیا اور دو طرفہ تناظر میں تمام شعبوں میں تعلقات کو فروغ دینے کے عزم کا اعادہ کیا۔

دوسری جانب سندھ کے سیلاب متاثرین کے لیے ترکیہ سے امداد لے کر طیارہ کراچی پہنچ گیا۔