انگلینڈ کی کرکٹ ٹیم ٹی 20 سیریز کیلئے 17 سال بعد پاکستان پہنچ گئی

کراچی: انگلینڈ کی کرکٹ ٹیم 17 سال بعد کرکٹ سیریز کھیلنے کیلئے پاکستان پہنچ گئی ہے۔ کرکٹ بورڈ حکام نے مہمان ٹیم کے کھلاڑیوں کا استقبال کیا اور انہیں شہرِ قائد آمد پر خوش آمدید کہا۔

تفصیلات کے مطابق انگلش کرکٹ ٹیم دبئی سے اماراتی ائیر لائن کی پرواز نمبر ای کے 600 کے ذریعے کراچی پہنچی جس کیلئے فول پروف سکیورٹی یقینی بنائی جارہی ہے۔

یہ بھی پڑھیں:

سابق فرسٹ کلاس کرکٹر، پاکستانی امپائر اسد رؤوف انتقال کر گئے

پولیس حکام کا کہنا ہے کہ کراچی ائیرپورٹ اور ہوٹل کے روٹ پر انگلش کرکٹ ٹیم کیلئے سخت حفاظتی انتظامات کیے گئے ہیں۔ ٹیم لندن سے دبئی کے راستے کراچی پہنچی۔

پاکستان اور انگلینڈ کے مابین ٹی 20 کرکٹ سیریز کا آغاز 20 ستمبر سے ہوگا۔ 7 میچز پر مشتمل سیریز سے قبل دونوں ٹیموں کے کھلاڑی مقامی ہوٹل میں پریس کانفرنس کریں گے۔

ٹی 20 سیریز کے 3 میچز 22، 23 اور 25 ستمبر کو کراچی کے نیشنل کرکٹ اسٹیڈیم میں ہونگے جبکہ 28، 30 ستمبر اور 2 اکتوبر کو شیڈول میچز قذافی اسٹیڈیم لاہور میں کھیلے جائیں گے۔

قومی کرکٹ ٹیم کی قیادت بابر اعظم کر رہے ہیں جبکہ انگلش کرکٹ ٹیم اپنے 7 ٹی 20 میچز جوز بٹلر کی کپتانی میں کھیلے گی۔ مہمان ٹیم میں نائب کپتانی کے فرائض معین علی سرانجام دیں گے۔