ٹوئٹر کی خریداری کا فیصلہ، ایلون مسک معاہدے سے دستبردار ہو گئے

واشنگٹن: ٹیسلا اور اسپیس ایکس کے بانی ایلون مسک ٹوئٹر کی خریداری کے فیصلے اور معاہدے سے دستبردار ہوگئے جس پر ٹوئٹر انتظامیہ نے برہمی کا اظہار کیا ہے۔

تفصیلات کے مطابق ایلون مسک نے جمعہ کے روز یو ایس سکیورٹیز اینڈ ایکسچینج کمیشن میں دستاویزات جمع کرائے جن میں کہا گیا کہ ٹوئٹر جعلی اکاؤنٹس پر معلومات مہیا کرنے میں ناکام رہا ہے۔

یہ بھی پڑھیں:

ٹوئٹر نے بھارتی حکومت کے خلاف مقدمہ درج کروادیا

واضح رہے کہ جعلی اکاؤنٹس اور منی لانڈرنگ کے خلاف ایف اے ٹی ایف سمیت دیگر بین الاقوامی فورمز کے ذریعے کارروائی کی جاتی ہے۔ ایلون مسک نے ٹوئٹر خریداری سے دستبردار ہونے کا اعلان کردیا۔

دستاویزات کے مطابق ایلون مسک نے کہا کہ میں کمپنی خریدنے کے فیصلے سے پیچھے ہٹ رہا ہوں۔ بعض میڈیا رپورٹس میں کہا گیا کہ ایلون مسک نے ٹوئٹر کے 2 اعلیٰ عہدیدار برطرف کرنے پر بھی اعتراض اٹھایا ہے۔

امریکی اخبار واشنگٹن پوسٹ کا کہنا ہے کہ ایلون مسک کی ٹیم سمجھتی ہے کہ ٹوئٹر پر جعلی اور اسپیم اکاؤنٹس کی تعداد تاحال معلوم نہیں ہوسکی اور کمپنی خریداری کی خطیر رقم اکٹھا کرنے میں بھی دشواری ہورہی ہے۔

دستبرداری کا اعلان سامنے آنے کے بعد چیئرمین ٹوئٹر بریٹ ٹیلر نے اپنے سوشل میڈیا پر جاری کردہ بیان میں کہا کہ ٹوئٹر بورڈ قیمت اور ایلون مسک سے طے کی گئی شرائط پر لین دین بند کرنے کیلئے پر عزم ہے۔

The Twitter Board is committed to closing the transaction on the price and terms agreed upon with Mr. Musk and plans to pursue legal action to enforce the merger agreement. We are confident we will prevail in the Delaware Court of Chancery.

— Bret Taylor (@btaylor) July 8, 2022

ایلون مسک کے فیصلے پر تشویش کا اظہار کرتے ہوئے بریٹ ٹیلر کا کہنا تھا کہ ٹوئٹر بورڈ نے ایلون مسک کے خلاف قانونی چارہ جوئی کا فیصلہ کر لیا ہے اور ہم ان کے خلاف عدالت میں مقدمہ دائر کرنے کیلئے پر اعتماد ہیں۔