44ارب ڈالر میں دنیا کا سب سے مہنگا سودا، ایلون مسک ٹویٹر کے مالک بن گئے

سان فرانسسکو:دنیا کے امیر ترین شخص ایلون مسک نے 44 بلین ڈالر میں ٹویٹر خرید کر دنیا کا سب سے مہنگا سودا کرلیا۔

ایلون مسک نے پیر کے روز 44 بلین ڈالر میں ٹویٹر خریدنے کا معاہدہ کیا جس سے لاکھوں صارفین اور عالمی رہنماؤں کی آبادی والے سوشل میڈیا پلیٹ فارم کا کنٹرول دنیا کے امیر ترین شخص کے پاس منتقل ہو جائے گا۔

یہ معاہدہ 2013 کی ابتدائی عوامی پیشکش کے بعد سے ٹویٹر کے بطور عوامی کمپنی کے چلانے کو ختم کرتا ہے۔معاہدے کے مطابق ایلون مسک ٹویٹر کی خریداری کے لیے 54اعشاریہ 20 ڈالر فی شیئر نقد رقم ادا کریں گے۔

مزید پڑھیں:ایلون مسک نے ٹوئٹر صارفین کیلئے خوشخبری کا عندیہ دیدیا

معاہدے کے بعد ایلون مسک ٹویٹر کے واحد شیئر ہولڈر بن گئے ہیں۔ یہ دنیا بھر میں اب تک کی کسی بھی پرائیویٹ کمپنی کو خریدنے کا سب سے بڑا سودا ہے۔

ایلون مسک کاکہنا ہے کہ آزاد تقریر ایک فعال جمہوریت کی بنیاد ہے اور ٹویٹر ڈیجیٹل ٹاؤن اسکوائر ہے جہاں انسانیت کے مستقبل کے لیے اہم معاملات پر بحث ہوتی ہے۔

ایلون مسک کی جانب سے خریدنے کے بعد ٹویٹر کے شیئرز میں تقریباً 6 فیصد اضافہ ہوگیا ہے۔

ایلون مسک نہ صرف سپیس ایکس اورٹیسلا موٹرز کے سی ای اوبلکہ سولر سٹی کے چیئرمین اور پے پال، زپ 2 کے شریک بانی بھی ہیں۔