گوشواروں میں تضادات پر الیکشن کمیشن نے بلاول بھٹو زرداری کو طلب کرلیا

اسلام آباد: الیکشن کمیشن نے چیئرمین پیپلزپارٹی بلاول بھٹو زرداری کو گوشواروں میں تضادات پر14جنوری کوطلب کرلیا۔

الیکشن کمیشن نے بلاول بھٹو کے خلاف کرپٹ پریکٹسز کے تحت کاروائی شروع کردی ہے ، الیکشن کمیشن نے بلاول بھٹو کے اثاثوں کی تفصیلات میں تضادات کی نشاندہی کی تھی۔

اس حوالے سے الیکشن کمیشن نے چیئرمین پیپلزپارٹی کو نوٹس جاری کرتے ہوئے 14 جنوری کو طلب کرلیا ہے، بلاول بھٹو زرداری کو متعدد بار یاد دہانی کے خطوط بھی بھجوائے گئے تھے۔

یہ بھی پڑھیں: اسلامی نظریاتی کونسل جیسے ادارے پراخراجات سمجھ سے بالاتر ہیں۔فواد چوہدری

بلاول بھٹو کو ذاتی حیثیت یا وکیل کے ذریعے الیکشن کمیشن کے سامنے پیش ہونے کی ہدایت کی گئی ہے، ، انہیں متعدد مرتبہ گوشواروں میں تضاد دور کرنے کا موقعہ فراہم کیا گیا تھا، بلاول بھٹو کی جانب سے الیکشن کمیشن کے دائرہ اختیار پر بھی اعتراض اٹھایا گیا تھا۔