ملک بھر میں عید الاضحی کے دوسرے روز بھی جانوروں کی قربانی کا سلسلہ جاری

کراچی:پاکستان بھر میں عید الاضحی کے دوسرے روز بھی سنت ابراہیمی کے تحت جانوروں کو اللہ تعالی کی راہ میں قربان کرنے کا سلسلہ جاری ہے۔

سپرہائی وے کراچی میں لگنے والے ایشیاکی سب سے بڑی مویشی منڈی میں عوام کی قوت خرید نہ ہونے کے باوجود قربانی کے جانوروں کی فروخت کے تمام ریکارڈ ٹوٹ گئے۔

41روزمیں ایک ماہ کے نوٹس پرلگائے جانیوالے عارضی شہرمیں کم وبیش 7لاکھ قربانی کا جانور لایا گیا آخری روزصرف پانچ فیصد جانوررہ گیا وہ بھی فروخت ہوگیا،900ایکٹررقبے پرلگائی جانیوالی مویشی منڈی میں بیوپاریوں کوتمام سہولیات فراہم کی گئیں جبکہ کورونا ایس اوپیزکے تحت سیکڑوں شہریوں اوربیوپاریوں کوون ٹائم ویکسین بھی لگائی گئی ،سیکورٹی کے سخت اقدامات کیے گئے تھے۔

مزید پڑھیں:آج کا دن ایثار اور قربانی کا درس دیتا ہے، آصف زرداری اور بلاول بھٹوکا عید پر پیغام

آخری ہفتے میں مویشیوں کی آسمان سے باتیں کرتی ہوئی قیمتیں بھی نیچے آئیں جبکہ 9 جون سے لگائی جانے والی اس مویشی منڈی میں آخری روز تک ملک کے چاروں صوبوں پنجاب ،بلوچستان ،خیبرپی کے اورسندھ کے چھوٹے بڑے شہروں سے تقریبا 7 لاکھ قربانی کا جانورفروخت کیلئے کراچی لایا گیا،کراچی کے شہریوں کیلئے41 روز سے سجنے والی اس مویشی منڈی میں آخری دن فروخت کیلئے صرف 5 فیصد جانور رہ گیا تھا وہ بھی فروخت ہوگیا۔

ترجمان مویشی منڈی کامزیدکہناتھاکہ جہاں مختلف بلاکس میں قربانی کاجانورمہنگا تھاوہیں مویشی منڈی میں 50 ہزارروپے سے لے کر80 ہزار روپے تک بھی جانورفروخت ہوااور20سے 25ہزارروپے کااچھی نسل کابکرابھی با آسانی سے دستیاب رہا۔

ترجمان مویشی منڈی یاوررضاچاؤلہ نے عید الاضحی کے موقع پرسنت ابراہمی اداکرنے والے شہریوں سے دلی مسرت کااظہارکرتے ہوئے کہاکہ ان اس جذبہ ایثارکواللہ قبول ومقبول فرمائے ۔