گوگل نیوز پر ہمیں فالو کریںاسلام آباد: وطنِ عزیز پاکستان سمیت دنیا بھر میں شیعہ مسلمان برادری عیدِ غدیر کا مذہبی تہوار آج منا رہی ہے جبکہ اہلِ تشیع علمائے کرام کے مطابق عیدِ غدیر ہر سال 18 ذوالحجہ کو منائی جاتی ہے۔
تاریخی اعتبار سے عیدِ غدیر کا تہوار شیعہ برادری اِس لیے مناتی ہے کیونکہ ان کے دینی نقطۂ نظر سے رسولِ اکرم ﷺ نے ہجرت کے 10ویں برس جب پہلا اور آخری حج فرمایا تو حضرت علی بن ابی طالب علیہ السلام کو یہ کہتے ہوئے اپنا جانشین مقرر فرمایا کہ جس کا میں مولا ہوں، اُس کا علی مولا ہے۔
حضرت علی علیہ السلام کی ذاتِ گرامی اہلِ سنت اور شیعہ دونوں ہی مکاتبِ فکر کے مسلمانوں کے نزدیک انتہائی عزت و احترام اور مذہبی عقیدت کی سزاوار ہے تاہم عیدِ غدیر کے معاملے میں اہلِ سنت اور اہلِ تشیع علماء کے درمیان اختلاف پایا جاتا ہے اور ہر سال شیعہ مسلمان عیدِ غدیر کو مذہبی احترام و عقیدت سے مناتے ہیں۔
سماجی رابطے کی ویب سائٹ ٹوئٹر پر عیدِ غدیر اور حضرت علی علیہ السلام کی طرح جیو آج کا ٹاپ ٹرینڈ بنا ہوا ہے جس کے تحت مختلف سوشل میڈیا صارفین عیدِ غدیر کے حوالے سے مختلف پیغامات ارسال کر رہے ہیں جس سے پتہ چلتا ہے کہ عیدِ غدیر شیعہ مسلمانوں کیلئے انتہائی اہمیت کا حامل تہوار ہے۔
ٹوئٹر پر اپنے پیغام میں تسکین زہرا نامی سوشل میڈیا صارف نے ایک ویڈیو شیئر کی جس میں دِکھایا گیا کہ ہمسایہ مسلم ملک ایران میں عیدِ غدیر کا تہوار منایا جارہا ہے۔ شیعہ برادری کے بچے مختلف رنگوں کے کپڑے پہن کر حضرت علی علیہ السلام کے نام سے سجی گاڑیوں میں موجود ہیں اور خوشی کا اظہار کر رہے ہیں۔
The Great Celebration of Eid Al’Ghadeer in Iran_❤????#عيد_الغدير pic.twitter.com/QmMgwOiM0N
— Taskeen Zehra???? (@TaskeenZehra11) August 8, 2020
بلال نامی سوشل میڈیا صارفین نے تمام شیعہ مومنین کو عیدِ غدیر کی مبارکباد دیتے ہوئے کہا کہ اللہ کا شکر ہے کہ میرے والدین نے میرے دل کو حضرت علی بن ابی طالب علیہ السلام کیلئے محبت سے بھر دیا کیونکہ وہی حضور اکرم ﷺ کے حقیقی جانشین ہیں۔
https://twitter.com/BilalHyder47/status/1292002776319328258
یہ بھی پڑھیں: تحفظِ بنیادِ اسلام ایکٹ کےاغراض و مقاصد اور تعریف و تنقید
