گوگل نیوز پر ہمیں فالو کریںاسلام آباد: وفاقی وزیرِ تعلیم شفقت محمود نے کورونا وائرس کیسز سامنے آنے پر تعلیم بند کرنے پر ردِ عمل دیتے ہوئے کہا ہے کہ جلدی میں اداروں کو بند کرنے کا فیصلہ تعلیم کو تباہ کرسکتا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ تعلیم شفقت محمود نے کہا کہ بلاشبہ طلباء و طالبات کی صحت ہماری اولین ترجیح ہے اور ہمارے تمام تر فیصلے وزاتِ صحت کی رہنمائی کے ساتھ ہوتے ہیں۔
پیغام میں وفاقی وزیر شفقت محمود نے کہا کہ 6 ماہ سے کورونا وائرس اور لاک ڈاؤن کے باعث تعلیمی عمل بند رہا جس سے طلباء و طالبات بری طرح متاثر ہوئے۔
انہوں نے کہا کہ وفاقی حکومت نے کورونا وائرس خطرات کے پیشِ نظر بہت سوچ سمجھ کر اور انتہائی احتیاط کے ساتھ تعلیمی ادارے کھولنے کا فیصلہ کیا تھا، ادارے جلدی جلدی بند کرنا تعلیم کی تباہی کا باعث ہوگا۔
Health of students is our first priority and any decision we make will be guided by the advice of Health Ministry. Having said that 6 months closure deeply affected the students. Decision to open was taken with great care. Any hasty decision to close will destroy education
— Shafqat Mahmood (@Shafqat_Mahmood) September 19, 2020
یاد رہے کہ اِس سے قبل کورونا وائرس کے پھیلاؤ کو روکنے کے لئے وضع کردہ ایس او پیز پر عمل نہ کرنے پر ملک میں مزید 13 تعلیمی ادارے بند کردیئے گئے۔
قبل ازیں ایس او پیز کی خلاف ورزی کرنے پر ملک بھر میں 22 تعلیمی ادارے بند کردیئے گئے تھے جبکہ گزشتہ روز خیبرپختونخوا میں 10، جبکہ سندھ میں 3 تعلیمی ادارے بند کردیئے گئے۔
مزید پڑھیں: کورونا ایس او پیز کی خلاف ورزی پرمزید 13تعلیمی ادارے بند
