الیکشن کمیشن عملی طور پر وفاقی حکومت میں ضم ہوچکا ہے، فواد چوہدری

اسلام آباد: پاکستان تحریک انصاف کے رہنما فواد چوہدری نے کہا ہے کہ الیکشن کمیشن عملی طور پر وفاقی حکومت میں ضم ہو چکا ہے۔

سماجی رابطے کی ویب سائٹ ٹوئٹر پر اپنے پیغام میں فواد چوہدری نے کہا کہ پاکستان میں ایک پلاننگ کے تحت جمہوریت مکمل ختم کی جارہی ہے۔ سابق وفاقی وزیر نے کہا کہ پہلے بنیادی حقوق معطل کیے گئے اب ادارے ختم کیے جارہے ہیں۔

الیکشن کمیشن عملی طور پر وفاقی حکومت میں ضم ہو چکا ہے ، پاکستان میں ایک پلاننگ کے تحت جمہوریت مکمل ختم کی جارہی ہے پہلے بنیادی حقوق معطل کئے گئے اب ادارے ختم کئے جا رہے ہیں، الیکشن کمشنر اور ان کے ساتھی پاکستان کے عوام کے ولن ہیں pic.twitter.com/YOs3BUzYaT

— Ch Fawad Hussain (@fawadchaudhry) December 30, 2022

انہوں نے کہا کہ الیکشن کمشنر اور ان کے ساتھی پاکستان کے عوام کے ولن ہیں۔

یہ بھی پڑھیں:

نریندر مودی کی والدہ کا انتقال، شہباز شریف کا اظہارِ تعزیت

ٹوئٹر پیغام میں فواد چوہدری نے کہا کہ سپریم کورٹ کے چیف جسٹس عمر بندیال اس بینچ کا حصہ تھے، امید ہے اس میڈیا مہم کا جواب سپریم کورٹ دے گی، ایسے ہی پروپیگنڈے اداروں کو پامال کرتے ہیں۔

اُن کا مزید کہنا تھا کہ مجھے ذاتی طور پر علم ہے کہ یہ سب مکمل بکواس ہے، اس کہانی کو بلاول کے بیان کے تناظر میں دیکھنے کی ضرورت ہے۔