گوگل نیوز پر ہمیں فالو کریںاسلام آباد: چیف الیکشن کمشنر سکندر سلطان راجہ کا کہنا ہے کہ الیکشن کیلئے تیار ہیں، الیکشن کمیشن تمام فیصلے آئین کے مطابق کرے گا۔
تفصیلات کے مطابق چیف الیکشن کمشنر سکندر سلطان راجہ نے صحافیوں سے غیر رسمی گفتگو میں کہا ہے کہ الیکشن کمیشن بغیرکسی خوف کے اپنا کام جاری رکھےگا، عام انتخابات کیلئے اپنا کام جاری رکھے ہوئے ہیں، جب کہا جائے گا الیکشن کرادیں گے، حلقہ بندیوں سے متعلق ابتدائی فہرستیں جاری کی جاچکی ہیں۔
چیف الیکشن کمشنر کے مطابق الیکشن کمیشن آئین اور قانون کے مطابق فیصلے کرتا ہے اور کرتا رہے گا، الیکشن کمیشن اپنے فیصلے بلا خوف کرے گا، فیصلوں سے کوئی ناراض یا راضی ہوتا ہے یہ ہمارا مسئلہ نہیں دوسروں کا ہے۔
ان کا کہنا تھا کہ انتخابات کے لیے ہمیشہ تیار ہیں، الیکشن کافیصلہ حکومت نے کرنا ہے، الیکشن کمیشن کا کام صاف شفاف اور غیر جانبدار انتخابات کا انعقاد ہے۔
یہ بھی پڑھیں: کراچی میں جیل چورنگی کے قریب سُپر اسٹور کے بیسمنٹ میں آگ لگ گئی
