ایکنک نے 126ارب لاگت کے حامل کے 4منصوبے کے نئے ڈیزائن کی منظوری دے دی

اسلام آباد: وفاقی وزیرِ منصوبہ بندی، ترقی و خصوصی اقدامات اسد عمر نے کہا ہے کہ قومی اقتصادی کونسل کی ایگزیکٹو کمیٹی (ایکنک) نے 126 ارب روپے کے گریٹر کراچی واٹر سپلائی اسکیم (کے 4) منصوبے کے نئے ڈیزائن کی منظوری دے دی ہے۔

سماجی رابطے کی ویب سائٹ ٹوئٹر پر وزیرِ منصوبہ بندی اسد عمر نے اپنے پیغام میں کہا کہ ایکنک نے آج 126 ارب کے نئے ڈیزائن پر مشتمل منصوبے کی منظوری دی جو گزشتہ کئی دہائیوں سے نامکمل تھا۔

یہ بھی پڑھیں:

چیف جسٹس آف پاکستان کی ریٹائرمنٹ، فواد چوہدری کا خراجِ تحسین

ٹوئٹر پیغام میں وزیرِمنصوبہ بندی اسد عمر نے کہا کہ کے 4 منصوبے کے تحت اکتوبر 2023 تک کراچی کو 26 کروڑ گیلن پانی فراہم کیا جائے گا جس سے کراچی ٹرانسفارمیشن پلان کا ایک اور وعدہ پورا ہوا۔

کے 4 منصوبہ 2020 میں وزیر اعظم عمران خان کے اعلان کردہ 1.1 ٹریلین روپے کے کراچی ٹرانسفارمیشن پلان کا حصہ ہے جس میں کراچی سرکلر ریلوے کی تعمیر، سیوریج نظام کی ترقی اور صفائی ستھرائی شامل ہے۔

قبل ازیں کراچی سرکلر ریلوے (کے سی آر) پراجیکٹ کے لین دین کے ڈھانچے کو منظوری دے دی گئی۔ وفاقی وزیر اسد عمر کا کہنا تھا کہ کے 4 منصوبہ 2023 کے اختتام سے قبل مکمل ہوجائے گا جس سے شہر کو اضافی پانی ملے گا۔