گوگل نیوز پر ہمیں فالو کریںکراچی میں تیز رفتار ڈمپر اور پولیس موبائل کے تصادم کے نتیجے میں 3 پولیس اہلکار زخمی ہو گئے جبکہ وین تباہ ہو گئی ہے۔
تفصیلات کے مطابق یہ واقعہ کراچی کے ناردرن بائی پاس پر پیش آیا، جہاں پولیس موبائل اور ڈمپر کے درمیان بس ٹرمینل کے قریب تصادم ہوا جس سے 3 اہلکار زخمی جبکہ پولیس موبائل تباہ ہوگئی۔
ڈمپر ڈرائیور جائے حادثہ سے فرار ہونے میں کامیاب ہوگیا، زخمی پولیس اہلکاروں کو سول ہسپتال منتقل کردیا گیا ہے جبکہ یہ حادثہ موچکو تھانے کی پولیس موبائل کے ساتھ پیش آیا ہے، ڈمپر کو پولیس نے تحویل میں لے لیا ہے۔
پولیس کا کہنا ہے کہ ڈمپر کو غفلت اور لاپرواہی سے چلایا گیا جو تیزرفتاری کے باعث پولیس وین سے ٹکرایا جبکہ پولیس اہلکار اپنی ڈیوٹی کر رہے تھے۔ واقعے کا مقدمہ درج کرکے ملزم کے خلاف کارروائی کی جائے گی۔
یہ بھی پڑھیں: پولیس کی پھرتیاں، سابق رکنِ اسمبلی کے خلاف 2 مقدمات درج
