گوگل نیوز پر ہمیں فالو کریںاسلام آباد: قومی اسمبلی سیکریٹریٹ نے اتوار کے روز ان خبروں کی تردید کی کہ ڈپٹی اسپیکر قاسم خان سوری نے اپنے عہدوں سے استعفیٰ دے دیا ہے۔
سنیچر اور اتوار کی درمیانی شب سابق وزیراعظم عمران خان کے خلاف تحریک عدم اعتماد پر ووٹنگ سے قبل قومی اسمبلی کے سپیکر اسد قیصر کے مستعفی ہونے کے فوراً بعد قاسم سوری کے استعفیٰ کی خبریں میڈیا پرگردش کرنے لگیں۔
قائم مقام سپیکر قاسم سوری کے آج قومی اسمبلی سیکرٹریٹ کے دورے کے بعد قومی اسمبلی سیکرٹریٹ نے واضح کیا کہ ڈپٹی سپیکر قاسم سوری نے استعفیٰ نہیں دیا اور وہ پیر کو قائم مقام سپیکر کی حیثیت سے قومی اسمبلی کے اجلاس کی صدارت کریں گے۔
واضح رہے کہ سابق سپیکر اسد قیصر نے گزشتہ روز قومی اسمبلی میں دھمکی آمیز خط دکھاتے ہوئے پیشکش کی تھی کہ ”میرے پاس خط ہے اگر کوئی اسے دیکھنا چاہے؟“
انہوں نے کہا تھا کہ ریاست پاکستان کی حفاظت کرنا میرا آئینی فرض ہے، ہو سکتا ہے کہ یہ ایوان کی صدارت کے لیے یہ میرا آخری اجلاس ہو۔ اُن کا کہنا تھا کہ ”میں پاکستان کے آئین کے لیے حلف کا پابند ہوں“۔ ”ہمیں اپنی خودمختاری کے لیے کھڑا ہونا ہوگا”۔
مزید پڑھیں: شہباز شریف کے کاغذات نامزدگی پر اعتراضات نہ مانے گئے تواستعفیٰ دیدینگے، فواد چوہدری
