گوگل نیوز پر ہمیں فالو کریںکراچی: کراچی کے معروف پروفیسر اور جناح اسپتال کی ایگزیکٹیو ڈائریکٹر ڈاکٹر سیمی جمالی کے شوہر ڈاکٹر اے آر جمالی کا کورونا ٹیسٹ مثبت آگیا۔ ڈاکٹر سیمی جمالی نے تصدیق کردی۔
پروفیسر اے آر جمالی جناح اسپتال میں خدمات انجام دے رہے تھے، انہیں انسان دوست اور مریضوں کی مکمل نگہداشت کرنے والے ڈاکٹرز میں شمار کیا جاتا ہے۔
اے آر جمالی کو نجی اسپتال میں قرنطینہ میں رکھا گیا ہے، معروف سرجن اے آر جمالی نہایت شریف اور مخلص انسان ہیں، سیمی جمالی سے بھی بڑھ کر انسان دوست ہیں۔
جناح اسپتال کے ڈاکٹرز و طبی و دیگر عملے سمیت ملک بھر کے شعبہ طب کے افراد و اعلیٰ شخصیات نے دعا کی ہے کہ اللہ تعالیٰ ڈاکٹر اے آر جمالی کو صحت کاملہ عطا فرمائے، ڈاکٹر سیمی جمالی نے عوام سے بھی دعائے صحت کی اپیل کی ہے۔
مزید پڑھیں:سندھ حکومت نے صوبے میں کورونا سے مزید 11 اموات کی تصدیق کردی
