گوگل نیوز پر ہمیں فالو کریںکراچی: شہر قائد میں کورونا وائرس سے متاثرہ مریضوں کے قرنطینہ سے بھاگنے کے بعد شہریوں میں خوف و ہراس پھیل گیا،محکمہ صحت نے محکمہ داخلہ سے مدد مانگ لی۔
میڈیا رپورٹس کے مطابق کراچی کے مختلف قرنطینہ سینٹرز پر سیکورٹی ناہونے کی وجہ سے کورونا میں مبتلا مریض فرار ہوکر شہریوں کیلئے مشکلات پیدا کررہے ہیں۔
محکمہ صحت کے مطابق شارع فیصل پر واقع نجی ہوٹل پر سیکورٹی کا کوئی خاطر خواہ انتظام نہیں کیا گیا جبکہ سندھ گورنمنٹ قطر اسپتال، سندھ گورنمنٹ لیاقت آباد اسپتال پر بھی سیکورٹی نہیں ہے۔
اب بھی قرنطینہ سینٹرز میں دو درجن سے زائد بیرون ملک سے آئے کورونا مریض ہیں جبکہ گزشتہ ہفتے اومی کرون میں مبتلا شخص سمیت 38سے زائد افراد قرنطینہ سینٹرز سے بھاگ چکے ہیں۔
محکمہ صحت کے مطابق سیکورٹی نہ ہونے کے باعث کورونا مریض قرنطینہ سینٹر سے بھاگ جاتے ہیں، اس ئے سیکورٹی بڑھانے کے لیے محکمہ داخلہ کو خط لکھ دیا ہے۔
واضح رہے کہ گزشتہ روز سعودی عرب سے پاکستان آنے والا کورونا زدہ مسافر کراچی پہنچنے پر قرنطینہ سے فرار ہوگیا، جس کی خبر ملتے ہی انتظامیہ کی دوڑیں لگ گئی تھیں۔
مزید پڑھیں:اومی کرون سے کراچی کو کتنا خطرہ، کیا حکومت دوبارہ لاک ڈاؤن لگائے گی؟
