گوگل نیوز پر ہمیں فالو کریںمحکمہ داخلہ پنجاب نے عیدالاضحیٰ کے موقع پر قربانی کی کھالیں صرف اُن فلاحی اداروں کو دینے کی ہدایت کی ہے جو پنجاب چیریٹی کمیشن سے باقاعدہ رجسٹرڈ ہوں۔
محکمہ داخلہ پنجاب کے مطابق کالعدم تنظیموں اور ان کے ذیلی اداروں کو کھالیں دینا قانونی جرم ہے، اور ایسا کرنے والے افراد دہشتگردی کے خلاف قوانین کے تحت کارروائی کا سامنا کریں گے۔
محکمے کے ترجمان کا کہنا تھا کہ انسداد دہشتگردی ایکٹ 1997 کے مطابق کسی بھی ممنوعہ تنظیم کی مالی مدد جرم کے زمرے میں آتی ہے، چاہے وہ براہ راست ہو یا بالواسطہ۔ شہریوں کو مشورہ دیا گیا ہے کہ وہ کھالیں دینے سے قبل ادارے کی رجسٹریشن کی تصدیق کریں، جو سرٹیفکیٹ پر موجود کیو آر کوڈ کے ذریعے کی جا سکتی ہے۔
عوام سے اپیل کی گئی ہے کہ وہ یقینی بنائیں کہ ان کی دی گئی امداد کسی دہشتگرد تنظیم کے ہاتھوں میں نہ جائے بلکہ مستحق اور جائز افراد تک پہنچے۔
رجسٹرڈ فلاحی اداروں کی مکمل فہرست محکمہ داخلہ پنجاب، پنجاب چیریٹی کمیشن اور نیکٹا کی ویب سائٹس پر دستیاب ہے، جہاں کالعدم تنظیموں کے نام اور تفصیلات بھی دیکھی جا سکتی ہیں۔
