گوگل نیوز پر ہمیں فالو کریںنئی دہلی : بھارتی دارالحکومت نئی دہلی کے ایک ہسپتال کے ڈاکٹروں نے گردوں کے مرض میں مبتلا ایک شخص کا 7 کلو 400 گرام وزنی گردہ نکال دیا۔ڈاکٹروں نے دعویٰ کیا ہے کہ مریض کے جسم سے نکالا گیا گردہ دنیا کا سب سے بڑا گردہ تھا۔
بھارتی میڈیا کے مطابق نئی دہلی کے شری گنگا رام ہسپتال کے یورولاجی ماہر ڈاکٹر سچن کٹوریا نے دعویٰ کیا کہ مریض کے جسم سے نکالا گیا گردہ کسی بھی جسم سے نکالا گیا دنیا کا بڑا گردہ ہے۔
ڈاکٹرز کے مطابق وہ خود بھی مریض کے جسم میں موجود 7 کلو 400 گرام وزنی گردہ دیکھ کر حیران رہ گئے اور انہوں نے مجبوری اور مریض کی زندگی بچانے کے لیے گردے کو جسم سے نکالا۔
مزید پڑھیں :پاکستان میں پولیو وائرس بے قابو ،سندھ اور خیبرپختونخوا میں 5 نئے کیسز سامنے آگئے
ڈاکٹرز نے بتایا کہ 2 گھنٹے کی طویل آپریشن کے بعد گردہ نکالا گیا جس نے تقریبا متاثرہ شخص کے پورے پیٹ کا احاطہ کر رکھا تھا اور مریض کو سانس لینے سمیت دیگر مشکلات کا سامنا تھا۔
ڈاکٹرز کے مطابق متاثرہ شخص کے جسم سے نکالے گئے گردے کا وزن تقریبا 2 نوزائدہ بچوں کے برابر تھا اور یہ دنیا میں کہیں بھی مریض کے جسم سے الگ کیا گیا سب سے بڑا گردہ ہے۔
ہسپتال انتظامیہ کے مطابق اس سے قبل گینزبک آف ورلڈ ریکارڈ میں ساڑھے 4 کلو وزنی گردے کو جسم سے نکالنے کا ریکارڈ موجود ہے اور وہ اپنا ریکارڈ درج کروانے کے لیے جلد گینز بک انتظامیہ سے رابطہ کریں گے۔
ڈاکٹرز کا کہنا تھا کہ جس 56 سالہ شخص کے جسم سے تقریبا ساڑھے 7 کلو وزنی گردہ نکالا گیا اب اس کی طبیعت بہتر ہو رہی ہے اور انہیں امید ہے کہ اب وہ دیگر مسائل کا شکار نہیں ہوں گے۔
یہ بھی پڑھیں :سندھ کے بڑے اسپتالوں میں کینسرکے مریضوں کے علاج کیلئے سہولیات ناپید
