فلم قائداعظم زندہ باد کے مناظربھارتی فلم سے چُرائے گئے ہیں یا نہیں؟ ہدایت کار کا انکشاف

ایکشن سے بھرپور فلم قائداعظم زندہ باد اس عیدالاضحیٰ پر ریلیز ہوئی ہے جو کہ ریلیز کے بعد سے باکس آفس پر زبردست کاروبار کررہی ہے۔

فلم میں ماہرہ خان اور فہد مصطفیٰ نے مرکزی کردار ادا کیا جن کی اداکاری کو ناظرین خوب پسند کررہے ہیں لیکن کچھ ناظرین کو ایسا لگتا ہے کہ فلم کے کچھ مناظر انھیں بھارتی فلموں کی یاد دلاتے ہیں۔

فلم کے ہدایت کار نبیل قریشی نے حال ہی میں فلم کے کچھ مناظر کو بھارتی فلموں سے چُرانے کا انکشاف کیا ہے۔

یہ بھی پڑھیں:

سجل علی اور احد رضامیر نے انسٹاگرام سے ایک دوسرے کو اَن فالو کردیا

انہوں نے ایک انٹرویو میں کہا کہ فلم کے کچھ مناظر بھارتی فلموں سے چُرائے گئے ہیں، کیونکہ ناظرین ایسے مناظر کو دیکھنا پسند کرتے ہیں۔

نبیل قریشی کی ہدایت کاری میں بننے والی فلم قائداعظم زندہ باد کو فضا علی مرزا نے پروڈیوس کیا ہے۔

فہد مصطفیٰ اور ماہرہ خان کی فلم قائداعظم زندہ باد پاکستان کے علاوہ دیگر ملکوں میں بھی ریلیز ہوئی ہے، اُن ملکوں میں امریکا، شمالی امریکا، برطانیہ، اور یو اے ای شامل ہیں۔