گوگل نیوز پر ہمیں فالو کریںکراچی: اتحادی جماعت متحدہ قومی موومنٹ پاکستان کی علیحدگی کے بعد حکومت نے قومی اسمبلی میں عدد اکثریت کھودی ہے جبکہ ایسا لگ رہا ہے کہ عمران حکومت کو ایک بڑا دھچکا لگنے والا ہے۔
گزشتہ روز پاکستان تحریک انصاف کے رہنما و رکن قومی اسمبلی ڈاکٹر عامر لیاقت حسین نے مبینہ طور پر سندھ ہاؤس اسلام آباد میں اپوزیشن اتحاد کے اجلاس میں شرکت کی۔
@AamirLiaquat at #sindh house with @SyedNasirHShah and Imtiaz Sheikh. Well why shouldn’t he be there? He did his best to support Imran Khan but wasn’t given respect, never called and even stopped by the leaders around IK. He deserves to move on now. pic.twitter.com/1HI9sknr6I
— Furqan T. Siddiqui (@furqantsiddiqui) March 30, 2022
ماضی کے ناراض ایم این اے ڈاکٹر عامر لیاقت حسین نے اجلاس کے لیے سندھ ہاؤس آکر اپوزیشن ارکان کو حیران کردیا بعدازاں اجلاس میں پی ٹی آئی کے منحرف ایم این ایز بشمول نور عالم خان، رمیش کمار، باسط بخاری اور جویریہ ظفر بھی موجود تھے۔
عامر لیاقت نے اجلاس میں شرکت کے حوالے سے کہا ہے کہ سندھ میں رہتا ہوں، سندھ میری پہچان ہے، سندھ دھرتی نے مجھے بڑا کیا تو پھر سندھ ہاؤس چلا گیا تو کیا غضب ہوگیا؟ کچھ کہا؟ کچھ بولا؟ ہمیشہ وقت پر کہتا اور بولتا ہوں،ایک بار نہیں دس بار جاؤں گا، ٹھوک سکو تو ٹھوک دو۔
سندھ میں رہتا ہوں، سندھ میری پہچان ہے، سندھ دھرتی نے مجھے بڑا کیا تو پھر سندھ ہاؤس چلا گیا تو کیا غضب ہوگیا؟ کچھ کہا؟ کچھ بولا؟ ہمیشہ وقت پر کہتا اور بولتا ہوں،ایک بار نہیں دس بار جاؤں گا، ٹھوک سکو تو ٹھوک دو!!
— Aamir Liaquat Husain (@AamirLiaquat) March 30, 2022
یاد رہے کہ اس سے قبل ڈاکٹر عامر لیاقت حسین نے پیش گوئی کی تھی کہ وزیراعظم عمران خان کے خلاف اپوزیشن کی تحریک عدم اعتماد کامیاب ہوگی اور علیم خان وزیراعلیٰ پنجاب بنیں گے۔
تین پیش گویئاں کررہا ہوں …وقت ثابت کردے گا میں غلط تھا یا اے دوست تم !!
تحریک عدم اعتماد کامیاب ہوجائے گی !!!
ایم کیو ایم پیپلز پارٹی کا ساتھ دے گی !!!
علیم خان وزیراعلی پنجاب ہوں گے !! @abdul_aleemkhan— Aamir Liaquat Husain (@AamirLiaquat) March 29, 2022
ڈاکٹر عامر لیاقت نے ٹوئٹ کیا کہ میں تین پیشین گوئیاں کررہا ہوں، وقت ثابت کرے گا کہ میں غلط تھا یا آپ غلط تھے میرے دوست۔ انہوں نے کہا کہ عدم اعتماد کا ووٹ کامیاب ہو گا، ایم کیو ایم پیپلز پارٹی کی حمایت کرے گی اور علیم خان وزیر اعلیٰ پنجاب ہوں گے۔
پنجاب کے وزیر اعلیٰ کے عہدے کے لیے نامزد مسلم لیگ ق کے رہنما چوہدری پرویز الٰہی کو تنقید کا نشانہ بناتے ہوئے ڈاکٹر عامر لیاقت نے ٹویٹ کیا کہ پرویز الٰہی، آپ کے وزیر اعلیٰ بننے کی اہلیت اب ٹوتھ پیسٹ نکال کر دوبارہ واپس ڈالنے کی طرح مشکل ہے۔
یہ بھی پڑھیں:عامر لیاقت سمیت پی ٹی آئی کے 22 ایم این ایز کی اپوزیشن اتحاد کے اجلاس میں شرکت
