گوگل نیوز پر ہمیں فالو کریںکراچی: شوبز انڈسٹری کے مشہور و معروف اداکار احد رضا میر کی پہلی نیٹ فلیکس اوریجنل ہارر ویب سیریز ’ریزیڈنٹ ایول‘ کا پہلا مختصر ٹیزر جاری کردیا گیا۔
مذکورہ ٹیزر میں پاکستانی اداکار کی کوئی جھلک نہیں دکھائی گئی، احد رضا میر نے 12 مئی کو اپنے انسٹاگرام پر ’ریزیڈنٹ ایول‘ کا ٹیزر جاری کرتے ہوئے بتایا کہ ان کی ویب سیریز 14 جولائی کو ریلیز کردی جائے گی۔
واضح رہے کہ ان کی جانب سے ٹیزر کو شیئر کیے جانے کے بعد کئی لوگوں نے اداکار کی پوسٹ پر کمنٹس کرتے ہوئے اس بات پر مایوسی کا اظہار کیا کہ ٹیزر میں ان کی جھلک نہیں دکھائی گئی۔
مختصر دورانیے کے ٹیزر میں دیگر کرداروں کی جھلک بھی نہیں دکھائی گئی مگر پاکستانی اداکار کا عکس نہ دکھائے جانے پر ان کے مداحوں نے مایوسی کا اظہار کیا۔
View this post on Instagram
واضح رہے کہ ’ریزیڈنٹ ایول‘ احد رضا میر کی پہلی اوریجنل نیٹ فلیکس ویب سیریز ہے، تاہم وہ اس سے قبل بھی بہت سے عالمی منصوبوں میں کام کر چکے ہیں۔ احد رضا میر ماضی میں برطانیہ میں ’ہیملیٹ۔ اے گھوسٹ اسٹوری‘ نامی اسٹیج تھیٹر میں مرکزی کردار ادا کر چکے ہیں۔
یہ بھی پڑھیں: سینیئرز کی غلط بات جونیئرز کے مستقبل کو بھی تباہ کرسکتی ہے، عروہ حسین
