گوگل نیوز پر ہمیں فالو کریںاسلام آباد: وزیر اعظم پاکستان عمران خان آج احساس ڈیٹا فار پاکستان پروگرام کا افتتاح کریں گے جبکہ وزیر اعظم آفس نے احساس ڈیٹا پروگرام کی تفصیلات جاری کردی ہیں۔
سماجی رابطے کی ویب سائٹ ٹوئٹر پر وزیر اعظم آفس پیغام کے مطابق احساس ڈیٹا فار پاکستان ملک میں اپنی طرز کا واحد پروگرام ہے جس کے تحت ایک ایسے وسیع انٹرایکٹو پورٹل تک عوام و خاص کی رسائی کو آسان بنا دیا گیا ہے جس میں پاکستان کے تمام اضلاع کا غربت کی شرح سے متعلق ڈیٹاموجود ہے۔
وزیر اعظم آفس سے جاری کردہ پیغام کے مطباق اس ڈیٹا میں 120 ترقیاتی اور پالیسی سے متعلق انڈیکیٹرز کو شامل کیا گیا ہے۔احساس ضلعی ترقیاتی پورٹل میں 2004-2018 کے عرصہ کا غربت اور ڈویلپمنٹ کی شرح کا ضلعی ڈیٹا شامل کیا گیاہے۔
2) اس ڈیٹا میں 120 ڈویلپمنٹ اور پالیسی سے متعلق انڈیکیٹرز کو شامل کیا گیا ہے۔احساس ضلعی ترقیاتی پورٹل میں 2004-2018 کے عرصہ کا غربت اور ڈویلپمنٹ کی شرح کا ضلعی ڈیٹا شامل کیا گیاہے۔ pic.twitter.com/X38HOvGMyC
— Prime Minister's Office (@PakPMO) March 10, 2020
پیغام میں کہا گیا ہے کہ احساس حکمت عملی کے تحت، ڈیٹا فار پاکستان پورٹل کو ورلڈ بنک کے تعاون سے تشکیل دیا گیا ہے۔ یہ پورٹل سماجی تحفظ و تخفیف غربت ڈویژن کی ویب سائٹ پر دستیاب ہوگا۔ احساس ڈیٹا فار پاکستان پورٹل وفاقی،صوبائی اور ضلعی سطح پر اداروں کے فیصلہ سازی کے عمل میں اہم کردار ادا کرے گا۔
آفس کے مطابق انٹرایکٹو نقشے پورٹل استعمال کرنے والے عوام کو ملک کے مختلف اضلاع میں غربت کی شرح کا درست تجزیہ کرنے میں مدد دیں گے۔
4) انٹرایکٹو نقشے، پورٹل استعمال کرنے والے صارف کو ملک کے مختلف ضلعوں میں غربت کی شرح کا درست تجزیہ کرنے میں مدد کریں گے۔
— Prime Minister's Office (@PakPMO) March 10, 2020
ڈیٹا پورٹل کے حوالے سے پیغام میں بتایا گیا ہے کہ پورٹل پر کسی بھی ضلع کو کلک کرکے اس کے متعلق مختلف معلومات اور اشاریوں کے بارے میں آگہی حاصل کی جاسکتی ہے۔ صارف صوبوں یا اضلاع کے تحت آنے والے علاقوں کا انتخاب کرکے معلوماتی مواد حاصل کرسکتا ہے اور نقشوں کو ڈاؤن لوڈ اور پرنٹ بھی کیا جاسکتا ہے۔
پورٹل کے بارے میں مزید بتایا گیا ہے کہ اس جدید پورٹل کی تشکیل میں پاکستان بیورو آف شماریات کے سماجی و معیارِ زندگی کی پیمائش کے متعلق سروے، پی ایس ایل ایم اور صوبائی بیورو شماریات کے ملٹی پل انڈیکیٹر کلسٹرز سروے (ایم آئی سی ایس) سے حاصل کردہ اعدادوشمار شامل کیے گئے ہیں۔
6) اس جدید پورٹل کی تشکیل میں پاکستان بیورو آف شماریات کے سماجی و معیار زندگی کی پیمائش کے متعلق سروے پی ایس ایل ایم اور صوبائی بیورو شماریات کے ملٹی پل انڈیکیٹر کلسٹرز سروے (ایم آئی سی ایس ) سے حاصل شدہ اعدادوشمار کو شامل کیا گیا ہے۔
— Prime Minister's Office (@PakPMO) March 10, 2020
بتایا گیا ہے کہ احساس کا مقصد ایک ایسی فلاحی ریاست کی تشکیل ہے جہاں وسائل پر امیروں کی گرفت کوختم کیاجائے اور 21ویں صدی کے آلات یعنی معلومات اور ٹیکنالوجی کو سماجی تحفظ اور غربت کی کمی کے پروگراموں کی تشکیل میں استعمال کیا جائے جبکہ ڈیٹا فار پاکستان پورٹل کی تشکیل حکومت کا حقائق پر مبی فیصلہ سازی کی سمت اہم قدم ہے۔
10) ڈیٹا فار پاکستان پورٹل کی تشکیل حکومت کا حقائق پر مبنی فیصلہ سازی کی سمت اہم قدم ہے
— Prime Minister's Office (@PakPMO) March 10, 2020
