کراچی میں بلدیاتی انتخابات کیلئے پولنگ 23 اکتوبر کو کرانے کا فیصلہ

کراچی: الیکشن کمیشن آف پاکستان نے کراچی میں بلدیاتی انتخابات کیلئے پولنگ 23اکتوبرکو کرانے کا فیصلہ کرلیا۔

الیکشن کمیشن کے اعلامیے میں کہا گیا ہے کہ کراچی ڈویژن کے تمام اضلاع میں بلدیاتی انتخابات کیلئے پولنگ کا عمل 23اکتوبر کو ہوگا۔

الیکشن کمیشن کے مطابق حیدرآباد ڈویژن میں بلدیاتی انتخابات کیلئے رپورٹ منگوائی جارہی ہے، صوبائی حکومت، الیکشن کمشنرسندھ سے رپورٹ منگوائی جائے گی۔اس کے بعد فیصلہ کیا جائے گا۔

مزید پڑھیں:خاتون جج کو دھمکانے کا کیس، عمران خان جے آئی ٹی کے سامنے پیش ہوگئے

واضح رہے کہ الیکشن کمیشن نے 28 اگست کو کراچی میں بلدیاتی انتخابات ملتوی کردیے تھے، جس کے بعد کراچی میں مختلف جماعتوں کی جانب سے بلدیاتی انتخابات کرانے کا مطالبہ کیا جارہا تھا۔