گوگل نیوز پر ہمیں فالو کریںبھارت کی ریاست اترپردیش میں شدید بارشوں اور طوفانی موسم کے دوران آسمانی بجلی گرنے سے 25 سے زائد افراد جاں بحق ہو گئے ہیں۔
افسوسناک واقعات گزشتہ 48 گھنٹوں کے دوران رپورٹ ہوئے جنہوں نے مختلف خاندانوں کو غم اور صدمے سے دوچار کر دیا ہے۔
غیر ملکی ذرائع ابلاغ کے مطابق ہلاکتیں 14 اضلاع سے رپورٹ ہوئیں جن میں پریاگ راج، کوشامبی، فتح پور اور رائے بریلی شامل ہیں۔
جاں بحق ہونے والوں میں کئی خواتین اور بچے بھی شامل ہیں جو روزمرہ کے کاموں کے لیے گھروں سے باہر نکلے تھے۔
مقامی حکام کا کہنا ہے کہ شمالی بھارت میں مون سون سیزن کا آغاز ہو چکا ہے جس کے باعث آسمانی بجلی گرنے کے واقعات میں اضافہ ہوا ہے۔
انتظامیہ نے شہریوں کو تنبیہ کی ہے کہ طوفانی موسم کے دوران کھیتوں میں کام کرنے سے گریز کریں، درختوں اور آبی مقامات سے دور رہیں، اور غیر ضروری طور پر گھر سے باہر نہ نکلیں۔
ضلعی انتظامیہ نے متاثرہ خاندانوں سے دلی ہمدردی کا اظہار کرتے ہوئے کہا ہے کہ حکومت کی جانب سے مالی امداد فراہم کی جائے گی، اہل خانہ کو ہر ممکن معاونت کی یقین دہانی بھی کرائی گئی ہے۔
بھارت، پاکستان اور دیگر کئی ممالک میں ہر سال بارشوں کے موسم میں آسمانی بجلی سے سینکڑوں اموات رپورٹ ہوتی ہیں۔
ماہرین کا کہنا ہے کہ عوام کو اس دوران مزید احتیاط برتنے اور محفوظ پناہ گاہوں میں رہنے کی ضرورت ہے۔
