گوگل نیوز پر ہمیں فالو کریںاسلام آباد: ڈی سی اسلام آباد حمزہ شفقات کا کورونا وائرس ٹیسٹ مثبت آگیا جس کے بعد حمزہ شفقات نے عوام سے دُعاؤں کی درخواست کی۔
سماجی رابطے کی ویب سائٹ ٹوئٹر پرگزشتہ روز اپنے پیغام میں ڈی سی اسلام آباد حمزہ شفقات نے کہا کہ میرا کورونا وائرس ٹیسٹ کا نتیجہ مثبت آیا ہے۔ میں آپ سب سے دُعاؤں کی درخواست کرتا ہوں۔
ڈی سی اسلام آباد کے پیغام پر ردِ عمل دیتے ہوئے وفاقی وزیرِ منصوبہ بندی اسد عمر نے حمزہ شفقات کی جلد صحتیابی کی دعا کرتے ہوئے کہا کہ آپ نے اسلام آباد میں کورونا کنٹرول کرنے میں بڑا اہم کردار ادا کیا ہے۔ امید ہے کہ آپ جلد صحتیاب ہوں گے۔
Allah jald shifayab karey. You have played a very important role in controlling the spread of covid in Islamabad. Hope you get well soon https://t.co/wPrkL0gEsl
— Asad Umar (@Asad_Umar) March 14, 2021
یاد رہے کہ اِس سے قبل پاکستان تحریکِ انصاف کی رکنِ قومی اسمبلی کنول شوذب اور 3 بچوں کا کورونا وائرس ٹیسٹ کا نتیجہ مثبت آگیا۔
ٹوئٹر پر3 روز قبل اپنے پیغام میں رکنِ قومی اسمبلی کنول شوذب نے کہا کہ میں اور میرے 3 بچے حمزہ علی، زہرا شوذب اور حسین کورونا وائرس کا شکار ہو چکے ہیں۔
مزید پڑھیں: رکنِ قومی اسمبلی کنول شوذب 3 بچوں سمیت کورونا کا شکار
